青衣海濱公園
跳去導覽
跳去搵嘢
青衣海濱公園（英文：Tsing Yi Promenade）係香港一公園同遊樂場，喺青衣牙鷹洲街，行政上歸葵青區。設施有緩跑徑、健身徑、露天劇場。
地理[編輯]
青衣海濱公園響東青衣島東北岸，喺藍巴勒海峽邊，對住葵涌同荃灣。由南向北睇，由私人屋邨海欣花園開始，過翠怡花園同青衣碼頭，過屋邨海悅花園、宏福花園，過青衣運動場、青衣游泳池，過商場青衣城（屋邨盈翠半島），到屋邨灝景灣轉向西，過屋邨青雅苑、長發邨、青泰苑，到東北公園為止。公園全長約莫1,800米，佔地6.6公頃。
公園近青衣城一段，近有青衣北橋同青荔橋跨過，亦算就近港鐵同機場快綫青衣站。
設施[編輯]
因為地近海邊，而够長，青衣城海濱公園有唔少青衣居民都會去做運動同休憩，主要有跑步、舞蹈同太極。公園重有健身設施。公園有兒童遊樂場，畀細路哥玩。
青衣海濱公園東北角有眺望臺，畀人眺望對岸荃灣。
青衣海濱公園係一個露天場地[1]，周不時都有團體搞活動，尤其係青衣城一段。
時間[編輯]
青衣海濱公園全日開放，之不過喺灝景灣對出一段，會喺子夜十二點會封咗，直至到天光，唔畀人嘈住住客。
禁煙安排[編輯]
景觀同設施[編輯]
公園海濱長廊
海景
緩跑徑
廣場
健身設施
眺望台
涼亭
青衣碼頭望去公園的景觀
