天業路公園
天業路公園（Tin Yip Road Park），香港公園之一，喺新界天水圍天業路，行政上歸元朗區。佔地兩萬五平方米，2014年起好，隔籬係天業路多用途沙灘球場，由康樂及文化事務署管。[1]
天業路公園用咗2億3200萬港紙去起。[2]
園內設施有公園、草地球場。以及十一人足球場、洗手間、更衣室、傷殘人士洗手間、育嬰間。公園開朝八晚十一。
設施
[編輯]天業路公園設有區入面頭一個大型人造草地球場、緩步徑同階梯式園景休憩處。[1]公園內種滿樹，用咗多種節能措施，包括太陽能路燈同熱水系統，同埋雨水循環系統灌溉園景。
入面嘅大型人造草地球場更係新界頭一個專為欖球而設計嘅場地，可用做十一人足球或者十五人欖球嘅練習或者比賽，重設有可容納220人嘅有蓋觀眾看台，同埋球證室、更衣室等輔助設施。[3]人造草地球場每日朝早8點到夜晚11點開門。
註
[編輯]- ↑ 1.0 1.1 天水圍沙灘球場後日啟用，東方日報，2014-10-06。
- ↑ 新公園植物枯 康署監管疏懶，太陽報，2014-10-02。
- ↑ 〈天業路公園 區內首個人造草地球場〉 (繁體中文)。港生活。