海心公園
海心公園，香港公園之一，遊樂場之一，喺旭日街，英文叫Hoi Sham Park。行政上歸九龍城區。1972年6月28號正式啟用[1]，家下由康樂及文化事務署管。公園設有海心亭、兩個足球場、兒童遊樂場，籃球場等。有七人足球場，硬地球場。
史
[編輯]海心公園本來係海入面嘅一個島仔，叫「海心島」，原址有一座海心廟，供奉龍母[1]，香火鼎盛，善信來回都要坐艇，島上面怪石嶙峋，其中以魚尾石最似。起海心公園係因為香港政府喺1962年至1970年期間喺土瓜灣沿海進行大型填海工程，於是就將嗰陣時嘅海心廟搬到家下呢度。1972年填海工程完咗之後，英皇御准香港賽馬會（家下叫香港賽馬會）撥錢起咗海心公園，保留咗原有嘅「魚尾石」、「海心石」同埋大部分自然景觀，開放畀市民消閒休憩。
原本喺島上嘅海心廟填海嗰陣被拆，龍母神像就搬咗去落山道同下鄉道轉角嘅天后廟度供奉，但係香火唔及以前嗰度咁盛。[1]
另外據古人所講，相傳情侶拜過「海心石」之後，就會有一段美好姻緣，所以公園裏面時不時有情侶嚟呢度談心談情。
2017年康文署計劃擴建海心公園，個公園、浙江街休憩用地同近公園嘅浙江街尾路段，都喺發展範圍入面，總發展面積大概係3.24 公頃。
- 重置受高山劇場新翼工程影響嘅高山道公園四個網球場
- 起一條廿米闊嘅綠化行人海濱長廊；
- 設有避雨亭兼涼亭嘅座椅；
- 移除同重置兒童遊樂設施、長者健體設施、涼亭、蔭棚同棋檯；
- 設置草坪上嘅蔭棚同座椅；
- 餐飲設施；
- 服務大樓同輔助設施，包括公園辦事處、洗手間、更衣室、救傷室、育嬰室、垃圾收集站同儲物室等；
- 拆除海心公園而家有嘅欄柵，用嚟連接浙江街休憩用地；
- 設置殘疾人士斜道。