媽祖

出自維基百科,自由嘅百科全書
媽祖像

媽祖原名林默娘,係一神祇,沿海唐人信仰,水上人都叫佢亞媽,庇祐出海順利,可以視為海神。信仰遍及廣東福建香港澳門臺灣南洋沿海唐人。潮州人叫佢聖媽大明時封為天妃大清時封為天后,故香港多數叫天后。

媽祖信仰出自福建莆田大宋時已經有拜祭,順住福建人由海道傳出去,沿岸立廟。大明鄭和下西洋,都有拜媽祖,媽祖亦廣傳南洋,因而皇帝亦封媽祖為天妃。

神像法相容貌端莊,頭戴鳳冠,身着紅衣。

神明[編輯]

林默娘,相傳北宋初年降生,降生喺福建莆田。出世嗰時有祥光異香,直到滿月,都未喊過一聲,因而叫默娘。十三歲嗰時遇到方士授學,十六歲就能觀井得符,學成之後能知未來,起病扶衰。傳說默娘周不時元神出竅,拯救海上遇險人。某日,亞爸亞哥出海遇險,默娘只能救番佢阿哥,阿爸就沉咗落海,世人就稱佢孝女。二十八歲飛昇之後,時常喺海上救人。

香港[編輯]

香港地方拜媽祖,水上人主要去大廟灣大廟,尤其係赤灣天后廟