唐明街公園

唐明街公園 (2016年)

公園下層設長者健身站

兒童遊樂場

唐明街公園（英文：Tong Ming Street Park）係香港嘅一個公園，位於新界將軍澳唐明街，佔地約1.4公頃，屬於天晉發展項目嘅一部分，由港鐵公司同新鴻基地產興建，並交由康樂及文化事務署負責管理。公園分兩期興建，由2011年中旬開始興建，至2012年底竣工，喺2013年3月22日開放畀公眾。

公園第一期主要係園景花園，有一條斜道，長約195米，由唐明街地面入口延伸至PopCorn商場一樓嘅演薈廣場，喺唐賢里同唐德街亦設有入口，多個位置鋪有多用途草坪，近唐德街地下設有長者健身站。而第二期主要係兒童遊樂場，設有洗手間，並連接旁邊嘅唐明街休憩處。

另外，公園原定計劃喺中間興建一條行人天橋連接尚德廣場（依家叫TKO Spot）二樓天橋同PopCorn演薈廣場，呢條行人天橋由路政署負責興建。而路政署喺2012年6月回覆西貢區議會，話條行人天橋嘅工程動工時間表預計喺公園平台工程完成後開展。但公園至今已經開放超過一年，路政署於2014年2月再回覆區議會，指該署已為行人天橋嘅擬議工程計劃進行詳細設計，並按照一般工務工程計劃嘅程序推展，所以未有落實動工時間表。至2016年底先開始動工。呢條行人天橋喺2019年10月落成並啟用。

• 
  公園斜道全貌
• 
  公園一角
• 
  斜道中央設草坪
• 
  唐賢里入口

鄰近地方

• 尚德邨
• TKO Spot
• 天晉
• PopCorn
• 唐明街休憩處
• 將軍澳聯合學生宿舍

交通

交通路線列表

港鐵 Template:港鐵路線標誌：將軍澳站 C出口 巴士 九龍新界巴士 90 （冇資料） 91R （冇資料） 290 （冇資料） 290A （冇資料） 290B （冇資料） 290X （冇資料） 296A （冇資料） 296C （冇資料） 296D （冇資料） 296P （冇資料） 296M （冇資料） 792M （冇資料） 793 （冇資料） 795X （冇資料） 796P （冇資料） 796X 將軍澳站 ↔ 紅磡碼頭 798 （冇資料） 798B （冇資料） 798P （冇資料） 798X （冇資料） N290 （冇資料） N796 （冇資料） 過海隧道巴士 694 （冇資料） 694S （冇資料） N691 調景嶺 ↔ 中環（港澳碼頭） 通宵服務 大嶼山或機場巴士 A29P （冇資料） E22A （冇資料） E22S （冇資料） N29 （冇資料） 專線小巴 新界專線小巴 107 （冇資料） 108A （冇資料） 110 （冇資料） 110A （冇資料） 114A （冇資料）

參考資料

• 將軍澳第56區休憩用地Wayback Machine嘅版面存檔備份，2005年1月25日
• 跟進將軍澳56區有蓋行人天橋的進度工程，2012年10月10日，張國強議員
• 56區休憩公園快開放 行人天橋斷截禾蟲，2013年1月，傑訊（何民傑議員）