都會公園

都會公園（英文：Metro Park）係香港《啟德發展計劃》終階段嘅項目之一，係喺九龍九龍城區啟德發展區前啟德機場西南部興建嘅一座大型公園，佔地24.5公頃，2028年落成之後將會取代大埔海濱公園成為香港面積最大嘅公園。

都會公園嘅定位係東九龍嘅中央公園，所以會參考有「香港島中央公園」之稱嘅維多利亞公園，設有更多種類嘅康樂及休憩設施。都會公園嘅沿海部份就設計為海濱長廊，令公眾能夠接近維多利亞港。都會公園亦會設有林蔭大道，連接九龍城。

工程

都會公園將會喺舊跑道北端中被打開嘅缺口上興建，喺《啟德發展計劃》入面，為解決啟德明渠多年來嘅惡臭問題，有關政府部門計劃喺跑道北端打開一個600米嘅缺口，之後以樁柱平台覆蓋，用嚟興建都會公園。

睇埋

• 啟德發展計劃
• 啟德跑道公園——位於啟德發展區東南部（舊跑道南端）嘅公園

參考資料

• 舊啟德機場變身 都會公園將成香港最大“綠肺” Wayback Machine嘅版面存檔備份，華夏經緯網，2003年7月14號