百子里公園

出自維基百科,自由嘅百科全書
百子里公園
特色涼亭
公園遊樂場

百子里公園香港公園之一,遊樂場之一,喺中環山上,英文叫Pak Tsz Lane Park。公園喺百子里,百子里好隱閉,與三家里相連。公園實情畀唐樓包圍,喺結志街卑利街荷李活道,同鴨巴甸街中間。公園係孫中山史蹟徑一部分,面積一萬七千呎,呂元祥建築師事務所畫則康樂及文化事務署管。

沿革[編輯]

公園由市區重建局起嘅,二〇一〇年動工,耗資四千萬港元,二〇一一年十月中完工,同年年底開幕。

建築[編輯]

公園依山而建,有兩層設計。仿二十世紀初中環舊民居。公園右方,有段四五十米長嘅革命歷史展覽,展示一八九五年到一九〇三年革命史,尤其有講輔仁文社興衰四段,講及楊衢雲謝纘泰等人,一八九二年成立文社。其後文社各人,加入香港興中會,同孫文喺一八九五年末部署廣州起義,不幸敗露。一九〇〇年,策動惠州起義失敗,楊衢雲身分暴露,翌年為大清暗殺、孫文撰寫悼念書信石雕、謝纘泰欲報仇,於一九〇三年廣州策劃第三次起義失敗後,輔仁文社漸漸地淡出革命史及資料。公園亦展示輔仁文社創立時社員合照,以及設立發光二極管觸控式螢幕展示革命資料。[1]

「輔仁文社序」亭架背面

公園分三區,結志街入口可通往「革命起源展示區」,展示區內,有座四米闊、五米高嘅亭架,刻有反清《輔仁文社序》。上面有創會會員所寫「人欲明道達理,必先內修心性,外盡倫常」等的字句,地上亦刻有以英文所寫成社綱原文。亭架內設古人銅像,顯示當年剪辮情景。[2]

百子里史[編輯]

楊衢雲謝纘泰等創輔仁文社,原址就喺百子里一號,今日百子里大廈,亦即公園邊。[3]

獎項[編輯]

二〇一一三年,公園得香港建築師學會頒授境內優異獎──社區建築、美國建築師學會(香港分會)頒發都市設計優異獎,以及香港設計中心頒發亞洲最具影響力設計銅獎,以表揚其卓越建築設計。[4]

[編輯]

  1. 百子里公園下月竣工 《東方日報》 2011年9月27日
  2. 百子里趕不及雙十竣工[失咗效嘅鏈] 《明報》 2011年9月27日
  3. 百子里公園雙十前開幕 紀念革命歷史 下周竣工[失咗效嘅鏈] 《明報》 2011年9月22日
  4. 子里公園榮獲設計大獎 新昌營造集團 2014-01-07. 原著喺2015-09-24歸檔. 喺2019-04-28搵到.

座標: 22°17′00″N 114°09′11″E / 22.2834°N 114.153°E / 22.2834; 114.153