九龍西

九龍西（英文：Kowloon West）係指香港九龍西部嘅地區，一般嚟講範圍包括九龍城區、深水埗區同埋油尖旺區。傳統上九龍嘅東同西用「火車路」（九廣鐵路英段，家下港鐵東鐵綫）為界，所以九龍城區（即紅磡、土瓜灣、九龍塘等地）喺好多人心目中其實都係屬於九龍東。西九龍好多時都有同樣意思。九龍西亦都泛指香港九龍半島西面嘅地區，但唔係一個有嚴格定義嘅地區名（有嚴格定義嘅只係九龍，唔係九龍西）。好多政府機構都用九龍東嚟劃分地區，但定義未必一樣。好似香港聖公會嘅「西九龍教區」同香港警務處嘅西九龍總區嘅範圍就好可能唔同。