狗仔隊

出自維基百科,自由嘅百科全書
一個狗仔隊嘅雕像,位於斯洛伐克首都布拉迪斯拉發

狗仔隊係指一啲跟蹤、監視知名人士(例如演藝人員政治人物皇室成員、運動員同商業人士等),然後偷拍偷聽同翻查垃圾等活動嘅記者。此外,亦可解作警察專門負責跟蹤同拍攝疑犯嘅部門,例如香港警務處刑事情報科、香港入境事務處專責調查組同美國聯邦調查局等等。

起源[編輯]

狗仔隊呢種職業喺1958年第一次出現,原為意大利文「Paparazzi」係意大利姓氏Paparazzo所對應嘅單詞「蚊」嘅複數形式1960年1963年意大利導演費德里柯·費里尼電影《甜蜜生活》(La Dolce Vita)同《》(Otto e Mezzo)中製造出一個名叫Paparazzo嘅角色,係一個專門拍攝名人私隱嘅記者。從此「Paparazzi」就成為嗰啲專門搜刮名人私人生活嘅形像。

形式[編輯]

狗仔隊通常會揸電單車私家車,喺目標人物出沒地方守候,進行拍攝或偷拍,並貼身跟蹤目標人物架車。佢哋甚至會搜索目標人物住過嘅酒店房,連丟棄嘅垃圾都唔放過,務求知道目標人物不為人知嘅生活習慣同喜好。

狗仔隊對目標人物造成好大嘅困擾,除咗窮追不捨帶來嘅麻煩外,亦侵犯咗目標人物嘅私隱,令目標人物仿如24小時活喺公眾嘅監察之中。

不過狗仔隊一般認為,自己對目標人物帶來幫助多於滋擾。狗仔隊為目標人物,尤其係藝人帶來人氣,令更多人留意。狗仔隊本身亦係一門賺錢嘅行業,一幅震撼性嘅相,喺歐洲美國等地可賣得價錢數以萬美元計。

除咗追蹤嘅攝影記者被叫做狗仔隊,政府政風單位專門捉唔正當行為嘅公務員(例如:搞婚外情、飲花酒、出入唔正當場所、收賄賂等),呢種被叫做政風狗仔

另外徵信社通常亦有狗仔隊嘅功能。