中央情報局

出自維基百科,自由嘅百科全書
Jump to navigation Jump to search
中央情報局
宣言 「一國之勞,情報中心。」
總部 維珍尼亞州蘭利市
主席 吉娜·哈佩爾
網站 https://www.cia.gov/

中央情報局英文Central Intelligence Agency,簡稱CIA)係美國最大同最犀利嘅情報機構,主要做嘅嘢係公開同秘密收集因分析關於國外政府公司同個人;政治、文化、科技等方面嘅情報,協調其他國內情報機構嘅活動,重將呢啲情報送到美國各個政府部門。總部喺維珍尼亞州嘅蘭利。

歷史[編輯]

中央情報局嘅前身可以追溯到1941年成立嘅情報協調局(英文:Office Of The Coordinator Of Information),當時美國總統羅斯福嘅老友、美國律師多諾萬響英國受到英國情報人員孟席斯嘅鼓吹,仲教埋佢點樣收集情報,所以佢返去美國同羅斯福提議,照住英國軍情六處嘅模式,起一個超級強大、可以同當時軍情六處抗衡嘅情報機關,但係後嚟多諾萬同處長舍伍德有衝突,導致咗情報協調局響1943年一分為二,其中一個部分改名叫戰略情報局(英文:Office of Strategic Services,即CIA前身),由羅斯福下令成立。但響1945年上任嘅杜魯門,就突然下令將戰略情報局解散。響1947年,杜魯門唔理會聯邦調查局美國國務院同埋美國國防部嘅反對,宣佈成立一個全新情報機關去取代戰略情報局嘅空缺,呢個機關就叫做中央情報局。