反共

出自維基百科,自由嘅百科全書
Jump to navigation Jump to search
1947年美國嘅反共海報
有斑人叫緊反共口號
反共主張

反共係一種意識形態,指反對共產主義。部分人同馬克思無政府主義者觀點,反共就係反對共產黨。盡管反共一詞,同反中(針對國家層面),反黨(針對政黨層面),反華(針對種族層面)意義上有所差異,但而家黨國一體化後,親力量會將一切反對聲音統稱「反中」或「反華」,一切提升至國家同民族層面,無論反對中共政策,獨立運動,甚至反共恐怖主義活躍,因為中共改革開放後,唔再流行將異見同反共言行講成反共同反動。

情況[編輯]

世界各地有唔同形式嘅反共,面臨赤色恐怖嘅地方更明顯。中國國民黨同部份反共人士曾以「共匪」、「赤匪」、「毛匪」稱呼中共,蔣介石時代最常見。而對香港政界人士失去政治理性咁投向中共,或並無考慮港人利益可言嘅政客,都會被貶稱為「港共」、「土共」。

各個共產背景國家,都會有相關法律同白色恐怖手段壓制國內「反共」力量。中國共產黨為穩固政權,宣稱「反共」等同「反對中國共產黨管治中國嘅唯一合法性」嘅說法,因此一面對外宣傳「黨國同構」嘅奉天承運觀念,一邊迫害或捉拿中國大陸異見人士,打擊維權運動。北韓金氏政權更為惡性,並以馬列主義為根基,建立家族世襲獨裁統治。史學家羅拔岡吉士(Robert Conquest)指共產主義要為二十世紀數以百萬計嘅死負責。

香港自1997年7月1日,當要質疑特區政府高度自治地位,中聯辦左右香港政局時,常以「西環治港」、「港共政權」稱呼「保皇黨(部份建制派政黨)」同政府班子[1],原因係西環有「中聯辦」嘅辦公室,有建制派議員、官員走入中聯辦被問責,不過《香港特別行政區基本法》同政府程序並無對議員、港府官員有呢個要求[2]。喺今日中國共產黨勢力範圍內,親共派會將任何「反共」同批評中共言行,都講成唔同概念嘅「反中」或「反華」,即反中國,宣傳上甚少使用反共、反動等舊詞。泛民主派香港本土派成日被形象抹黑成「反對派」同「反中亂港」。親建制報章同機關報成日用到有關貶義詞,而互聯網上面,大陸香港有好多人,例如五毛黨,會用「犯民」稱呼泛民。反共同異見聲音會被中傷成「漢奸」同「賣港賊」。

歷史[編輯]

冷戰前,社會主義黨同資本主義國家,一直視以蘇聯為首共產國家,係文明落後、寄生主義,有軍事危害性等有多種唔可以容忍嘅缺陷。雖然共產有過一段思潮,但當共產黨造成戰爭暴行,國內流血,甚至東歐劇變蘇聯解體,共產國家數量劇減,並改稱自己為社會主義國家嘅左翼政府,僅存中國北韓古巴越南老撾尼泊爾委內瑞拉等幾個。

社會主義對資本家嘅威脅減少,當代社會主義國家自蘇聯解體前後都開放「改革開放」同行「資本化路線」[3]。雖然有共產歷史嘅社會主義國得到經濟上改善,但反共聲音仍然存在,大多演變成反對一切唔「自由民主」制度;反對一黨化嘅經濟管理;質疑共產黨以社會資本化手段,揾出資本主義嘅缺點,盡管出現違規行為亦無嚴打。紅色資本家(親共商團)下,對國家做成各種危害,侵害人權,貪污、結合政治嘅資本壟斷、黑心食品同環境破壞等等。相比西方資本主義國家,資本化社會主義國家出現資本主義嘅缺乏較嚴重而且明顯。原因係法治完成度而唔係單靠立法執法積極程度,同國家道德水平高低以解決資本主義原來缺失。

美國將北韓列為一個謀求發展大規模殺傷性武器維護金家獨裁統治嘅「無賴政權」或「邪惡軸心」。仲有埃塔菲共尼泊爾共產黨光輝道路等馬克思勢力,加上中東恐怖主義,反政府活動得到中國俄羅斯支持,被美國認定全部都係「恐怖主義」。

原因[編輯]

多數反共產主義者否定馬克思主義中嘅歷史唯物主義。佢會反對資本主義轉向一定係馬克思社會主義嘅論述。正如封建主義唔一定跟住就係資本主義。佢哋更加唔信馬克思講嘅社會主義國家「消失」而變成一個真正嘅共產主義社會。

有反共者將共產主義視作法西斯主義;並指馬克思黨,同法西斯黨同樣獨裁邪惡,如:暴力、野蠻,不人道。但當中法西斯主義者一般都係反共同反資本主義,例如納粹。因此,左(共產黨)、中(法西斯)、右(資本家)三派政向唔同,一般被視為水火不容。

反共主義者認為資本主義國家保障人民嘅政治,同經濟嘅自由,並會認為共產制度下嘅人民冇選舉權、冇自由、社會缺乏法治,係根本性侵犯人權[4]。反而多數資本主義國家容許自由主義,個人自由得到法律保障下,原則上係容許存有個人嘅意識形態。

有人認為,支持同反對共產主義嘅人應該存在「思想分隔」。社會必然要以階級上、國籍上進行獨立處理。國內可能存在聯邦制自由邦國中國,甚至係「一個國家,多種制度」,以達到唔同主張嘅人都能得到滿足。

共產有問題[編輯]

  • 馬克思式共產國度要喺無政府社會下進行,因此現實中並唔存在。因為喺無中央、無警察管轄下,人民必須自律,以達到利益平衡。但係無政府主義下,難以由第三方解決有可能或有能力出現嘅分爭,私心或錯誤價值出現時,最後只會引起小圈子多數人暴力階級鬥爭[5][6]
  • 現實中共產主義國家下實行出現問題,如毛澤東式、史太林式、北韓共產主義,以政治手段進行強制階級劃份,社會上人民以身份得到利益嘅多少,並未由個人付出作參考,令社會出現生產積極性下滑、資源嚴重偏向特權同紅色階級、批鬥同互相告發過程造成好多錯判,誤批,社會比資本化混亂,過度向左係得不償失。而家,好多人因中國保留咗半世紀嘅戶籍制度造成生活同權利損失[7]
  • 有人認為共產陣營下嘅社會主義制度唔合適「已發展國家」。當今發達國家嘅經濟軍力,甚至教育生活水平都高過馬列向社會主義國家。有關發展國家同地區,如美國英國日本香港等共同點為資本主義自由。反觀古今該類社會主義國家,發展水平差距明顯。中國執行混合經濟後,城市同特區嘅經濟實力同以前或其他地區有強烈對比。
  • 馬克思騙局:有理論質疑馬克思同信眾所講嘅「成熟資本主義」嘅問題。「成熟資本主義」並非如反資本主義者所指經濟停滯,或壟斷剝削同階級主義已達到頂峰而腐敗之致。相反,「成熟資本主義」應該已達到「效率最大化」、社會地位平等,福利制度完善,再無必要政治干預。
  • 共產主義並非「魔法」,資源稀少性依然存在。排除個人對奢侈品理想嘅追求,但活人必然有生理需要,食物空間同埋會排尿並制造垃圾。因而共產主義實用性、人道立場同公平原則,受到後期嘅研究者嘅提出新論證作疑。

參考[編輯]

睇埋[編輯]