八月政變，又叫八一九事件（Августовский путч），係指1991年8月19號至8月21號，蘇聯政府一啲高級官員試圖廢咗蘇聯共產黨中央委員會總書記兼蘇聯總統戈巴卓夫，攞返對蘇聯嘅控制權，最後係唔掂嘅一場政變。政變嘅人包括蘇聯副總統、總理、國防部長、內政部長、KGB局長、蘇聯國防委員會副主席咁，係蘇聯共產黨嘅強硬派，認為戈巴卓夫嘅改革計劃太過份，傾緊嘅《新聯盟條約》放太多權畀地方政府。呢次政變喺三日之內瓦解，戈巴卓夫恢復權力。呢件事加速咗蘇聯解體。
