香港恒生大學
(由恒生管理學院跳轉過嚟)
香港恒生大學（英文：The Hang Seng University of Hong Kong，簡稱恒大）係香港一間私立大學，2010年創校，由佢前身1980年創校嘅恒生商學書院改組而成，嗰時係私立專上學院，叫恒生管理學院（英文：Hang Seng Management College，簡稱恒管）。校舍喺新界沙田區小瀝源。
2018年10月30號，學院獲行政長官會同行政會議批准恒生管理學院升格做大學，11月8號正式改名。
教育模式
[編輯]恒大採用「博雅 + 專業」教育模式，配合iGPS「期望畢業生特質」框架（包括：(i)智能／思考能力、(G)共通技能、(P)個人發展同(S)投入社群）。
「博雅」係指以廣泛同跨學科嘅方式嚟連接唔同知識領域、啟發思考同解決問題。恒大認為，本科教育嘅目的唔單止係為咗獲得更多知識以及喺畢業後有更好嘅工作前景，亦係為咗培養學生嘅個人價值觀、志趣同可轉移嘅核心能力，為佢哋做好裝備，成為全面同負責任嘅人，能夠自信咁處理未來工作同生活中嘅挑戰。
「專業」係指雖然恒大嘅教育模式係廣泛同跨學科，鑒於大多數香港嘅大學畢業生都係獲得學士學位後搵全職工作，因此好多恒大學位課程都係專業導向，裝備學生喺未來從事有關嘅專業知識同技能。
香港恒生大學特色：
- 以本科教育為主；
- 獲鉑金獎並廣用竹材料的綠色校園建築；
- 創新學位課程；
- 跨學科共同核心科目；
- 結合生活與學習的住宿書院制度；
- 互動小班教學；
- 緊密師生關係；
- 教師在課堂內外予以個別學生悉心指導；
- 創立本港首間榮譽學院，培育未來公共領袖；
- 廣泛的外展和體驗式學習機會；
- 一學生一實習計劃，讓每個學生有機會在本地或海外全職實習。