戰狼外交
戰狼外交，係一個用來形容中華人民共和國自習近平擔任中共中央總書記以嚟推行嘅強硬而且具挑釁性外交政策嘅稱呼[1][2][3]。2017年，中國演員吳京自導自演嘅電影《戰狼2》上映，由於電影嘅中國民族主義情緒濃厚，衍生出「戰狼外交」呢個詞語[4]。
面對呢個說法，唔同中國官員都聲稱中國係走和平路線，只係受攻擊嘅時候先至防衛。但去到2020年12月，中國外交部發言人華春瑩就正式承認佢哋係走戰狼外交路線[5]。
成因
[編輯]
有評論話，武漢肺炎嘅疫情期間，中國覺得西方社會喺疫情衝擊下「不堪一擊」，令中國相信國家要對社會有強力干預，又覺得中國會喺持久戰中獲勝。
視為戰狼外交嘅例
[編輯]- 喺2018年，有喺瑞典旅遊嘅中國家庭同酒店發生爭執，引嚟中國駐瑞典大使館強勢介入譴責斯德哥爾摩警察；但最後爭議被證實其實係中國遊客抓著數唔成而起[5]。
- 自2018年起，瑞典不時關注新疆同其他中國以內嘅人權問題，但係中國駐瑞典大使桂從友周不時發起挑釁性言論，例如恐嚇瑞典如果再指控新疆問題就唔好諗住同中國生意，或者形容瑞典係48公斤級別矮仔妄圖挑戰86公斤級嘅中國[5]。
- 喺2020年11月，中共剝奪香港溫和民主派議員資格事件上，外交部發言人趙立堅恐嚇五眼聯盟外長[8]，揚言要篤穿佢哋對眼，民運人士王丹就批評呢啲係低級粗俗，戰狼外交嘅外交語言[9]。
- 2020年11月，趙立堅亦喺Twitter發佈假圖攻擊澳洲軍隊，結果唔單止引嚟澳洲總理要求道歉，仲有好多國家加入譴責[5]。
- 喺2021年3月，美中高層喺阿拉斯加首府安克拉治會談，美國就中國喺香港、新疆、西藏、台灣問題嘅表現，作出批評，要求佢哋尊重當地人嘅人權。中國外交官楊潔篪未有回應問題，但就對美國代表講咗一句：「美國沒有資格居高臨下同中國說話，中國人不吃這一套！」[10]
中國官員回應
[編輯]中國駐英國大使劉曉明無否認呢個描述，更表示中國堅持走和平路線，但係因為世界上有「狼」，所以中國需要「戰狼」嚟捍衛國家尊嚴[11]。中國官媒《環球時報》就話，中國一直強調共同利益，只係喺自己受到攻擊嘅時候自我防衛，後嚟更引述有一個形象嘅比喻話中國似係『功夫熊貓』[12]。中國駐意大利大使李軍華亦認為戰狼對中國唔係合適嘅標籤[13]。
去到2020年12月，中國外交部發言人華春瑩就正式承認佢哋係走戰狼外交路線，又話無可能接受其他國家對中國污名化，或者打壓中國企業等作為[5]。
國際社會反應
[編輯]「戰狼外交」普遍增加自由世界民眾對中共嘅負面影響。除咗一啲被中共攻擊嘅國家領導人物嘅反應之外，歐盟同埋好多國家開始倒向喺美中之間美國嘅一邊[5]。
國際間網民反應
[編輯]另外，戰狼外交亦引起唔少國家網民嘅不滿，甚至對小粉紅嘅一啲揶揄。例如，當討論牽涉到臺灣主權問題嘅時候，有時呢啲網民就會以「西台灣」一詞揶揄中國[14][15]。
參考
[編輯]- ↑ Bandurski, David. "Xi Jinping: Leader of the Wolf Pack > Articles |". www.globalasia.org. 喺2020-12-12搵到.
{{cite web}}: CS1 maint: url-status (link) - ↑ Hille, Kathrin (2020-05-12). "'Wolf warrior' diplomats reveal China's ambitions | Free to read". www.ft.com (英國英文). 喺2020-12-12搵到.
- ↑ 〈北京不喜被视为战狼 外交部称要解决挨骂问题〉。《RFI - 法国国际广播电台》 (簡體中文)。2020-12-05。喺2020-12-12搵到。
- ↑ 〈疫情之后中国会不会成为永久"战狼"〉。《BBC News 中文》 (簡體中文)。喺2020-12-12搵到。
- ↑ 5.0 5.1 5.2 5.3 5.4 5.5 〈中國首認「戰狼外交」 研判西方必衰弱 鬥爭思維佔上風〉。BusinessFocus (中文)。喺2020-12-12搵到。
- ↑ 中國「戰狼」外交會不會成為新常態，BBC，2020-05-13
- ↑ 粉絲24萬陸戰狼外交官趙立堅接任發言人，中時新聞網，2020-02-24
- ↑ 〈趙立堅："五眼聯盟"小心他們的眼睛被戳瞎〉。《RFI - 法國國際廣播電台》 (繁體中文)。2020-11-19。喺2020-11-30搵到。
- ↑ 〈趙立堅狠嗆「戳瞎」五眼聯盟 王丹酸戰狼外交發言：說給中國人聽的 | 國際〉。《新頭殼 Newtalk》 (中文)。2020-11-20。喺2020-11-30搵到。
- ↑ 〈楊潔篪是否嚴重失態〉。《RFI - 法國國際廣播電台》 (繁體中文)。2021-03-19。原著喺2021-05-07歸檔。喺2021-07-02搵到。
- ↑ 謝佩玲 (2020-05-25)。〈戰狼外交新註解 中駐英大使 : 會有「戰狼」 是因為這世界有狼 | 國際〉。《新頭殼 Newtalk》 (中文)。喺2020-12-12搵到。
{{cite web}}: CS1 maint: url-status (link) - ↑ 三立新聞網 (2020-05-25)。〈中共「戰狼外交」惹怒全球！環球時報反嗆：我們是功夫熊貓 | 國際 | 三立新聞網 SETN.COM〉。www.setn.com (中文)。喺2020-12-12搵到。
- ↑ sina_mobile (2020-05-21)。〈中国驻意大使:不认为"战狼"是合适的标签 "功夫熊猫"或更贴切〉。news.sina.cn。喺2020-12-12搵到。
- ↑ Storm.mg (2021-12-09)。〈德國手遊「中國成西台灣」又惹心碎！網譏：不愧是第三次世界大戰-風傳媒〉。www.storm.mg (臺灣中文)。喺2021-12-11搵到。
- ↑ 〈德國手遊廣告 世界地圖中國大陸直接標示「西台灣」〉。《大紀元 www.epochtimes.com》 (繁體中文)。2021-12-10。喺2021-12-11搵到。