西台灣

出自維基百科,自由嘅百科全書
  呢篇文講對喺臺灣西面嘅中國大陸嘅反諷稱呼。想搵臺灣嘅西部地區嘅話,請睇臺灣西部

西台灣英文West Taiwan)係一個反對中共政權嘅人士對中國大陸嘅另類稱呼,喺網上討論牽涉到台灣主權問題嘅時候間唔中會被用到。

使用例子[編輯]

  • 2021年6月,荷里活男星莊先拿(John Cena)公開稱呼台灣做國家,被小粉紅攻擊,但結果有更多人聲援佢,當中有啲網民製作咗啲中國嘅迷因,甚至將中國標示做「西台灣」[1]
  • 2021年6月,美國避險基金海曼資本創辦人巴斯着咗一件標示中國做「西台灣」嘅T恤,引起網民熱議,亦引起小粉紅攻擊,中國官媒《環球時報》總編胡錫進反擊,話美國係東台灣[2]
  • 德國遊戲開發公司Bytro喺2021年推出嘅戰略多人連線遊戲「國家衝突:第三次世界大戰」,將中國標示為「西台灣」,新疆獨立就表示做「維吾爾」(Uyghur),蒙古就被標示為中國。中國官媒《環球網》批評呢個做法係「刷存在感」,而台灣網民就揶揄中國又要玻璃心碎地[3][4]
  • 路透社喺2021年6月報導,有618名泰國醫護人員喺打完中國科興疫苗後,仍然染病,包括1宗死亡同1宗重症,有啲中國駐外大使館指責路透社誤導公眾針對中國,結果引來泰國好多網民喺大使館嘅社交媒體留言,除咗將中國稱為「西台灣」之外,亦提到武漢肺炎病毒本來就係來自中國[5]

稱呼流行嘅成因[編輯]

呢啲帶貶義嘅稱呼喺網民之間變得流行,係因為中國「戰狼外交」,行徑太過霸道,引起各國網友反感,面對中國網民國家主權問題嘅攻擊嗰陣,反而變本加厲將中國叫做「西台灣」或者用上其他貶義稱呼,甚至推出一啲相關商品[6]

睇埋[編輯]

參考[編輯]

  1. 西. (中文). 2021-06-01. 原先內容歸檔喺2021-12-11. 喺2021-12-11搵到.
  2. 投資大老穿國是西台灣T恤 網友:也想要一件. (中文). 2021-06-20. 原先內容歸檔喺2021-06-21. 喺2022-01-13搵到.
  3. 陳煜 (2021-12-09). 西. (臺灣中文). 原先內容歸檔喺2021-12-11. 喺2021-12-11搵到.
  4. 遊廣告世界地圖中國被標成西台灣 這家遊戲公司紅了. (中文). 2021-12-09. 原先內容歸檔喺2021-12-11. 喺2021-12-11搵到.
  5. 徐筱晴 (2021-07-13). 國大使館駁科興疫苗負面新聞 網友酸西台灣幹得好. NOWnews今日新聞 (中文). 原先內容歸檔喺2021-12-11. 喺2021-12-11搵到.
  6. 許蒔 (2021-12-10). 國手遊廣告 世界地圖中國大陸直接標示西台灣. (繁體中文). 原先內容歸檔喺2021-12-11. 喺2021-12-11搵到.