光塔

出自維基百科,自由嘅百科全書
Jump to navigation Jump to search
光塔
Huisheng-Mosque-minaret-0461.jpg
明細
第個名 懷聖塔、禮塔、邦卡塔
原名 光塔
用途 宗教活動
構造 磚石結構
樓數 7層
高度 36.6m
落成 627年
改築 1350年、1467年、1695年、1935年
喺邊 中國 廣東省 廣州市 越秀區 懷聖寺
座標 23°7′22.05″N 113°15′32.82″E / 23.1227917°N 113.2591167°E / 23.1227917; 113.2591167座標: 23°7′22.05″N 113°15′32.82″E / 23.1227917°N 113.2591167°E / 23.1227917; 113.2591167

光塔粵拼gwong1 taap3)係中國廣東省廣州市入面嘅其中一座有伊斯蘭特色嘅塔。而呢座塔係喺越秀區懷聖寺入面。呢座塔嘅全名係「懷聖塔」。佢喺公元627年起緊懷聖寺嗰陣都一齊起埋喇。

[編輯]

睇埋:懷聖寺

粵語諧音字?[編輯]

之前光塔原嚟用緊嘅名「禮塔」,而喺阿拉伯文入面係讀成個「邦卡塔」(阿拉伯文:بنكا برج‎)嘅名,不過由於個粵語入面,「邦」(bong1)字同個「光」(gwong1)字都幾近讀音下,所以咪講下慣咗,咪嗌咗「光塔」囉。

有導航照明燈?[編輯]

由於呢座塔好似個圓筒形噉企喺個珠江邊度,喺唐朝嗰陣,每晚黑個塔頂成日掛住個導航燈响度先至改咗噉嘅名。

塔嘅表面顏色?[編輯]

話到呢座塔,由於佢嘅表面係個圓形嘅灰色裝飾噉,睇落去好似個乾淨嘅銀筆噉,所以咪改咗「光塔」嘅名囉。

座塔喺幾時起[編輯]

如估問話呢間嘢喺幾時起嘅,其實喺唐朝初葉,伊斯蘭教先知模罕默德就派咗4個門徒嚟到中國度傳教,到咗公元627年,阿布雲嘉斯同廣州入面住嘅阿拉伯穆斯林佬一齊捐咗錢起咗間清真寺,甚至重起埋座塔嚟紀念模罕默德。如估講話記載,最早係喺公元9世紀中嘅阿剌伯旅行家——蘇李文寫嘅《東遊記》嗰本嘢入面寫咗,話中國嘅伊斯蘭教古蹟——廣州嘅光塔就係喺廣東省廣州市越秀區嘅光塔路入面,懷聖寺院嘅西南角,佢同另外3個寺(聖友寺、鳳凰寺、仙鶴寺)都喺埋一齊,話成係伊斯蘭教傳傳入中國之後,最早起嘅四大著名清真寺。而喺南宋時期,岳珂寫嘅《桯史》本嘢度就話咗呢座塔,方信孺就喺《南海百詠》入面寫嘅「詠蕃塔」嗰首詩度重寫咗呢句:「蕃塔始于唐時,曰懷聖寺塔。」

介紹[編輯]

呢座塔有36.6米噉高,佢係用磚石嚟砌嘅,而建築嘅平面就好似個圓形噉,中間係實柱體,而响塔頂嗰度重見到個「邦卡樓」响度,而塔入面重有條石級樓梯,係條螺旋形嘅,可以去到塔頂嘅露天平台度。而喺平台嘅正中間,重有個圓形嘅塔仔响度,而塔頂重有隻金色嘅雞,佢可以查到啱啱係咩風向噉,雖然話喺1669年嗰陣俾颶風吹冧咗兩次,但後嚟又重新起過,就變成依家嘅葫蘆頂喇。而呢座塔同新疆維吾爾族自治區吐魯番市入面嘅蘇公塔差唔多曬士噉。但係光塔嘅樣係好特別,佢重係成個中國入面,最罕見嘅其中一座塔。雖然話經過咗幾次裝修,但係佢到依家為止,重有阿剌伯地區嘅伊斯蘭建築嘅風格氣派响度。

重新裝修經歷[編輯]

根據依家重喺度嘅碑刻寫住,光塔寺喺1350年、1467年、1695年同1935年都重新裝修過下。

研究同考古[編輯]

光塔寺喺研究中國嘅海外交通史、建築史、伊斯蘭教史同中國嘅伊斯蘭國家人民嘅經濟文化交流,都有住重要嘅意義。喺1949年中華人民共和國成立咗之後,廣州市人民政府就出咗錢將座光塔都裝修咗2次,依家都幾新淨下,佢重攞咗中國嘅重點文物保護單位添。而家喺中國穆斯林同伊斯蘭教國家嘅人成日嚟呢度搞宗教活動嘅。

睇埋[編輯]

連出去[編輯]