光塔路

光塔路 GUANGTA LU

性質： 一般馬路 全長： 0.493公里 行車線： 2車道 除咗海珠中路嘅西邊 紙行路嘅東邊係雙行線 紙行路嘅西邊橋底係唔可以行車之外 凈低嗰部分凈係可以從西向東行 地區： 廣州市越秀區 起點： 人民中路 終點： 米市路同埋朝天路嘅交界 主要建築： 懷聖寺 光塔

光塔路（粵拼：gwong1 taap3 lou6）係中國廣東省廣州市入面嘅其中一條一般嘅馬路，呢條馬路喺越秀區入面，成條馬路係東西走向。西邊從人民中路開始，一直向東去到米市路同埋朝天路嘅交界嗰頭。呢條路響1934年開通。

概要

全長493米，闊9米，成條路係有2條車道，單行綫，除咗海珠中路嘅西邊同紙行路嘅東邊係雙行線；紙行路嘅西邊橋底係唔可以行車之外（因為人民中路嘅東邊到紙行路嘅西邊係人民路高架橋嘅上落位），凈低嗰部分凈係可以從西邊向東邊行。

史

光塔路以前係嗌光塔街（gwong1 taap3 gaai1）嘅名，喺古代，阿拉伯文就話成係「大食街」（阿拉伯文：ديسك شارع‎）同埋「大紙街」（阿拉伯文：ديز شارع‎）呢兩個名嘅，主要係入面有好多大食嘅人喺呢度住先至改咗噉嘅名。由於嗰陣時，廣州係中國入面，最早開放嘅其中一個通商嘅口岸、佢重係好多種宗教入到中國嘅其中一個地方。所以喺唐朝嗰陣，光塔街已經係好出名嘅「蕃街」，而光塔路附近嘅區域就被人嗌咗係「蕃坊」，由于嗰陣時有好多行海上絲綢之路嚟到中國玩貿易嘅鬼佬。喺宋朝嗰陣，距離光塔路冇幾遠嘅就係內港，而懷聖寺入面嘅光塔頂尖上面，裝嘅「金鷄」就變咗係鬼佬船嘅導航標喇。到咗1934年，廣州市政府就將條光塔街同埋大紙街整闊咗，就變咗依家嘅光塔路喇。

特色

呢條馬路係喺老城區入面，雖然話條路嘅居民都經過號多次搬入嚟同埋遷出去，去到廣州嘅邊個角落頭都有。依家呢條路重有好多回族佬同埋滿族佬住響呢條路，喺海珠中路嘅東邊嘅光塔路，條路嘅兩邊重有好多間清真同埋伊斯蘭嘅食品、服裝同埋用品嘅商鋪；重有幾間伊斯蘭佬嘅餐廳。由於呢條路比較窄，所以平時都比較靜下，但係到咗伊斯蘭教嘅禮拜日同埋每年嘅古爾邦節同埋開齋節，就有好多伊斯蘭教佬入去懷聖寺嗰邊拜神喇。

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

• 人民中路
• 紙行路
• 海珠中路
• 米市路、朝天路