朝天路

朝天路 CHAOTIAN LU

性質： 一般馬路 全長： 0.31公里 行車線： 雙向2車道 南向北嘅單行綫 地區： 廣州市越秀區 起點： 光塔路同埋米市路嘅交界 終點： 中山六路同埋六榕路嘅交界 主要建築： 朝天路小學 越秀區紅十字會醫院 陶街 豔芳影相鋪 廣東省工商業聯合會

朝天路（粵拼：ciu4 tin1 lou6）係中國廣東省廣州市入面嘅其中一條一般嘅馬路，呢條馬路喺越秀區入面，成條馬路係南北走向。南邊從光塔路同埋米市路嘅交界開始，一直向北去到中山六路同埋六榕路嘅交界嗰頭。

概要

全長310米，闊10米，雙向2車道。成條路係單行綫，凈係可以從南邊向北邊行。

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

• 光塔路、米市路
• 中山六路、六榕路

史

呢條路初頭叫「朝天街」。喺唐朝嗰陣，呢度係屬於廣州嘅蕃坊。而「朝天」呢隻名就係出喺穆斯林嘅用語——朝天房（啫係話「朝覲」呢個詞，阿拉伯文：حج‎）呢個詞入面。而喺朝天街呢尐以前係有棟古代嘅城門——「朝天門」響度。如估按照《永樂大典》呢本嘢畫住嘅廣州府南海縣嘅地圖入面話咗，喺明朝初期，南海同埋番禺嘅交界就係響新店街、米市街、朝天街同埋北道嘅就日門（啫係話朝天門）呢尐，啫係話明朝或者係之前，朝天路呢度都係南海縣同埋番禺縣嘅交界。不過到咗民國23年（1934年），廣州市政府就將條朝天街整闊咗，變咗係朝天路。到咗文化大革命嗰陣就改咗名叫「朝陽南路」，後嚟到咗1983年就改返原嚟嘅名。啫係依家叫「朝天路」。