南海區
南海喺中國廣東，家下係佛山市一個市轄區，叫南海區。秦時經已有南海郡，範圍好大，有幾個縣。而近幾百年，南海係個縣，叫南海縣。縣境比家下區境大好多，當時同埋番禺同順德合稱南番順，或者三邑，包圍住廣東省城，係全省最庶嘅地方。
南海個名，沿自秦國南海郡，響秦國南便海疆，對住南中國海（又叫南海）。家下南海區係內陸地方，但響當時都係近海。
地理[編輯]
政治[編輯]
山[編輯]
南海區北便有靈洲山，南便有西樵山。大清時舊縣重包括埋越秀山，不過經已劃畀廣州市越秀區。[1]
水[編輯]
北江由三水流入南海，再分兩支。東便一支流入紫洞水，去到廣州市番禺入珠江再入順德。西便一支過九江，入順德。[1]
北便有馬逕水，接埋蘆包水，同三江水會合。之後屈返東北，又接埋黃洞水，廣州又有水注入條河。向南再過石門山就係石門水。過廣州市區，屈向東就入珠江，到番禺。[1]
史[編輯]
秦國[編輯]
秦始皇帝贏政派任囂、趙佗攻嶺南，置咗南海郡。任囂做南海尉，全權管理呢度。而趙佗就做龍川縣令。秦末任囂病危，趁中原大亂，傳尉職畀趙佗。
大漢[編輯]
大漢元鼎六年，皇帝劉徹派兵消滅咗南越國，設南海郡，屬交州。戶有萬九千六百一十三，口九萬四千二百五十三。有縣六個，即係番禺、博羅、中宿、龍川、四會、揭陽[3]。去到漢末，有七個縣城，番禺、博羅、中宿、龍川、四會、揭陽同埋增城。七縣總共有戶七萬一千四百七十七，口二十五萬二百八十二，比開郡時多幾倍[4]。
隋[編輯]
大唐[編輯]
當時郡叫南海郡，等同一個州，所以又叫廣州，係個中都督府。大唐唔同年間會州郡換來用。唐末南海郡有縣十三，叫南海、番禺、增城、四會、化蒙、懷集、洊水、清遠、浛洭、湞陽、新會同義寧。當時戶4萬2235，口22萬1500。
南海縣係南海郡之下[5]。
南漢[編輯]
唐末節度使割據，南海由劉龔管。劉龔喺917年，南漢乾亨元年，自立為王，立都廣州，號南漢[2]。佢將廣州改名興王府，將南海縣一分為二，南叫咸寧縣，北叫常康縣[2]。
大宋[編輯]
當時郡叫南海郡，等同一個州，所以又叫廣州。不過都主要叫廣州，係中都督府，有清海軍節度。靖難之變前，有縣八，即係南海、番禺、增城、清遠、懷集、東筦、新會同信安。之後宋室南渡，無咗信安，但加咗香山[6]。
而縣方便，大宋開國君主趙匡胤，開寶五年滅南漢，將常康縣同咸寧縣合併返做南海縣[2]。
大清[編輯]
大清時有九江浦主簿。另有三江、金利、神安、黃鼎、江浦、五鬥口六個巡司。南海西便有粵漢鐵路經，西南便有三佛鐵路 [1]。
經濟[編輯]
南海歷來都係響廣東中心，而地又肥，比較富庶。所以佢同隔離番禺、順德，並稱三邑，又叫南番順。
