三元里平英團舊址
| 三元里平英團舊址 | |
|---|---|
| 中華人民共和國 全國重點文物保護單位 | |
 | |
| 喺邊 |  中國廣東省廣州市 |
| 類 | 革命遺址及革命紀念建築物 |
| 時代 | 明末清初 |
| 冧 | 1-1 |
| 登錄 | 1961年 |
| 地圖 | |
 | |
背景
[編輯]1841年5月，英國軍佬殺到廣州，重霸咗廣州城北邊嘅砲臺。嗰年5月29號，本土農民韋紹光聚咗一班人嚟斬冧啲英國軍佬。村民聚集喺三元古廟門口，用咗間檔入面嘅三星旗[1]嚟做指揮，話打倒英國軍佬。點知蕭崗村嘅紳士何玉成喺第二日𠹭咗住喺三元里村入面嗰103間鄉社學，之後韋紹光喺牛欄崗度將三星旗舉高嚟引英軍入三元里，重圍住咗英軍司令部嘅駐地四方砲臺，收尾英軍焗住要退出廣州。
史
[編輯]喺明末清初，三元古廟落成，愛嚟供奉北方真武玄天上帝同金花夫人。1841年5月，英軍入侵重霸咗四方砲臺嚟磕啲平民百姓，搞到啲民眾把幾火，於是成棚人過嚟呢間廟度摟埋一齊打英國軍隊，大嗌「旗進人進」、「打死無怨」嘅口號。點知蕭崗村嘅紳士何玉成叫咗村入面103位仁兄間鄉社學嚟一齊喺牛欄崗嗰度將英軍趕咗出廣州。呢個係中國近代史入面，第一次有自發組織噉打低咗鬼佬侵略軍。後嚟廣州市政府喺1958年將間廟裝修過，定為「三元里人民抗英鬥爭紀念館」，1961年俾國務院定咗係第一批全國重點文物保護單位。喺1974年、1983年、1986年、1989年同埋1998年都試過唔同程度嘅裝修，之後發現古廟嘅屋脊、磚墻同埋墻角甩咗落嚟。結果市政府喺2009年1月開始用咗3個月嚟負責將佢裝修同加固過。喺2009年4月份重新開放畀人睇佢嘅歷史。
間廟喺1996年俾中華人民共和國教育委員會、民政部、文化部、文物部、中國中央共青團同埋中華人民共和國解放軍總政治部定為「全國中小學愛國主義教育基地」。1997年重俾中宣部定為「全國愛國主義教育基地」。
睇埋
[編輯]攷
[編輯]- 广东省爱国主义教育示范基地 - 三元里人民抗英斗争纪念馆 新华网
- 藏着的历史：1841年三元里抗英事件真相 360Doc个人图书馆
- 广州三元里抗英纪念馆 中国百科网
- 政法学院与三元里抗英斗争纪念馆共建爱国主义教育基地 廣東技術師範學院（政法學院）
- 8、三元里人民抗英斗争纪念馆 大洋网
註
[編輯]- ↑ 呢度講嘅「三星」唔係家吓成日比較多人用嘅手機同其它電子產品。