劉徹

出自維基百科,自由嘅百科全書
(由漢武帝跳轉過嚟)
劉徹

 漢武帝劉徹粵拼hon3 mou5 dai3 lau4 cit3前156年前87年)係漢朝第七代皇帝,死後謚號武帝,所以後世又叫劉徹做漢武帝。佢係漢景帝劉啟嘅仔,漢文帝劉恆嘅孫,漢高祖劉邦嘅曾孫,佢老母係皇后王娡。7歲嗰陣立為太子,16歲登基,在位五十四年。

劉徹令到漢朝成為當時世上一大強國,締造盛世,但係戰爭同埋經濟政策,亦都造成百姓沉重負擔。

劉徹喺在位期間多次進攻匈奴,又派張騫出使西域,打通咗絲綢之路;喺西南消滅咗夜郎南越等國家。劉徹嘅影響力,已經深入到西北、東南同東北呢啲地方。唔單止係噉,佢為咗方便紀年,重創立咗年號,而年號亦都對中國史有好大影響。

雖然漢武帝文治武功有齊嗮,但係喺晚年仍然有啲甩漏。喺嗰陣時因為佢嘅甩漏而逼死咗太子劉據,史稱「巫蠱之禍」或「巫蠱之亂」。當武帝知道冤情之後,好後悔,因而喺輪台寫咗《輪台罪己詔》。

早年[編輯]

根據《史記》嘅記載,劉徹應該響漢景帝前元年出世,喺兄弟排名入面排第九,照噉睇應該冇乜機會去脫穎而出嘅[1]。出世四年後,景帝平定七國之亂,因此多咗好多吉嘅諸侯位,因而四歲嘅劉徹被封膠東王。

漢景帝六年,薄皇后俾景帝廢黜,而太子劉榮亦俾景帝廢除。劉徹同王娡藉住館陶長公主劉嫖嘅幫助,做咗太子同皇后,冇幾耐太子劉徹娶咗陳阿嬌。景帝死後,劉徹正式登基做皇帝,陳阿嬌做皇后。呢個轉折點標誌住大漢盛世逐漸來臨。

皇帝生涯[編輯]

雄心受挫、創立年號[編輯]

漢武帝繼承皇位之後,好急噉了解朝政:佢舉行朝會,聽群臣嘅意見;又檢查各方面嘅情況。武帝鍾意微服出巡,扮下呢樣,扮下嗰樣。當然,武帝亦有更多時間留喺未央宮度睇下書,處理下奏章。但係,最棘手嘅問題就係點搞景帝份遺詔。嗰份遺詔告誡嘅嘢完全同武帝嘅諗法好唔同:景帝告誡劉徹要守成、體恤黎民、唔好同匈奴爭執,而武帝反而想遠征匈奴、攞成就,認為匈奴成日掠奪大漢啲嘢,點解要同佢「和」呢。全因為呢份遺詔,而挷住咗武帝嘅手腳。

武帝鍾意標新立異,第二年,佢下令改元,改用年號,唔再用「上元」、「中元」、「後元」呢啲嘢來紀年。武帝宣佈用「建元」做中國史上第一個年號,對中國歷代君主造成咗好大影響。

田竇爭權[編輯]

武帝為咗振興大漢,完成大業,就用皇帝權力彈劾官員,而且係堂堂大丞相衛綰。有一日,漢武帝同嫲嫲竇太后傾偈,講到廢丞相衛綰嗰陣,武帝就鬧爆佢推行同鼓勵老豆景帝「無為而治」。竇太后見佢粒孫咁堅持,冇嘢講到。佢轉下話題,問武帝:「噉邊個做到丞相吖?」武帝話唔知,竇太后就話竇嬰做到,劉徹阿媽王娡好反對,建議用佢嘅舅父田蚡田勝。最後,武帝田氏竇氏都用,從而造成「田竇爭權」嘅局面。

最後,太皇太后(竇太后)廢田蚡、竇嬰,立許昌為相,結束「田竇爭權」。

巧遇衛子夫[編輯]

太皇太后結束「田竇爭權」之後冇幾耐,武帝就派張騫出使西域,原來朝廷已經有出使西域嘅諗法,只係意見唔統一。

張騫走咗之後,武帝覺得好悶,所以到咗農曆三月三號,係上巳節,所以佢去咗祓祭。祓祭,係西周傳落嚟嘅習俗,相傳祓祭完之後就會除走嗮啲病痛。武帝班友一路行,一路行,去到霸河。霸河原本叫滋水,春秋時期秦穆公喺嗰度大敗西戒,改咗條河做霸水,後來又嗌霸河。

霸河上便叫做霸上,係祓祭勝地,亦都係當年劉邦接受子嬰禪讓約法三軍嘅地方。唔單止係噉,佢重係劉徹阿爺漢文帝劉恆嘅葬地,而且係劉徹老豆漢景帝同周亞夫平定七國之亂嘅起兵地。

祓祭完之後,武帝就去探平陽侯同平陽公主劉玫。劉玫屋企有四個衛嘅舞女,最細嗰個就係衛子夫,當佢聽到要表演畀皇帝睇嗰陣,佢好興奮。武帝好中意衛子夫,就送咗佢入

廢立皇后、獨尊儒術[編輯]

衛子夫入宮後,並唔受大家歡迎。佢俾人公認為「衰女人」。陳阿嬌呷醋,劉嫖好嬲,重俾太皇太后打入冷宮添。

前134年,董仲舒就向劉徹提出一個建議:「諸不在六藝之科孔子之術者,皆絕其道,勿使並進」,應該「罷黜百家,表章六經」。之後,劉徹大量任用儒生做官,同時,張湯同埋杜周等人都主張以《春秋》決獄,逐漸令到通曉儒家經典成為做官嘅必要條件之一,儒家逐漸成為中國社會嘅統治思想,並且長達二千年。

家庭[編輯]

后妃[編輯]

[編輯]

[編輯]

參考[編輯]

[編輯]

  1. . 大地. pp. 第20頁.

[編輯]

  • 《漢武大帝》. 大地出版社.