未央宮

未央宮，宮之一，喺漢長安，相當於今日中華人民共和國陝西省西安市未央區。漢皇帝劉邦時建，劉邦在位七年時，開始起，九年時完成，雖則叫做宮，實情係皇城，宮牆就係城牆。未央宮所在嘅長安，未央宮之外，好長時間係無城牆。未央宮牆就係防守之用。

未央宮，起喺秦章臺嘅地基上，由蕭何負責建宮，以當時習慣，宮要起喺夯土之上，高過周圍，以便防守。宮長方形，共分前殿、椒房殿、官署、少府、石渠閣、天祿閣、滄池等主要建築，宮牆四周開咗正門同掖門，宮牆四角有角樓。

未央宮佔地甚廣，不過佢包埋苑池。

後尾又起咗長樂宮，喺未央宮之東。所以，未央宮又叫西宮，長樂宮又叫東宮。