劉辯

出自維基百科,自由嘅百科全書
劉辯
東漢 少帝
175年
190年[註 1]
活躍時期 189年
前任 漢靈帝
繼任 漢獻帝
遞啲名
諡號 弘農懷王
年號 光熹(189年)
昭寧(189年)
其他名 漢廢帝
弘農懷王
皇子辯

 漢少帝劉辯粵拼hon3 siu3 dai3 lau4 bin6175年190年,即熹平五年-初平元年)係東漢第13位皇帝[註 2],喺189年四月到九月間在位。佢父皇係漢靈帝,佢母后係何皇后。佢在位一年未夠,先五個月左右,就畀權臣董卓廢黜爲弘農王wang4 nung4 wong4。之後佢細佬漢獻帝繼位,追諡佢爲懷王waai4 wong4。而喺史書佢又嗌皇子辯wong4 zi2 bin6

劉辯係東漢第二個得名做少帝嘅皇帝,喺佢之前嗰個叫北鄉侯劉懿,係東漢第七位皇帝。為咗區分,劉懿叫做東漢前少帝,而劉辯嗌做東漢後少帝dung1 hon3 hau6 siu3 dai3。注意,少帝呢個名唔係諡號,唔同於文帝、武帝之類嘅名,呢個名係話呢個皇帝係個細路或者早死。

生平[編輯]

劉辯係漢靈帝同何皇后生嘅皇子。189年5月,靈帝駕崩,劉辯喺15歲時繼位,成爲漢少帝。當時何太后同佢阿哥何進、太傅袁隗一齊輔政。

何進帶住嘅係班外戚,而同十常侍爲首嘅班宦官衝突好大,最後演變爲宮變。何進掌權之後誅殺咗宦官蹇碩[1],之後重諗住殺曬班宦官,但係佢嘅妹何太后唔準,因爲班宦官對佢有恩,喺佢毒殺王美人時,靈帝諗住廢佢后位,係班宦官勸住先保得[2]。同時何太后亦聽埋啲宦官話,認爲佢阿哥噉殺法,係想操縱朝政[3]

何進召并州牧董卓入京,要佢幫手殺宦官。不過風聲走漏,宦官張讓喺何進入宮奏請太后時,伏兵宮中,殺咗何進。何進嘅手下吳匡、袁術知咗,想帶兵剷除宦官。

之後班宦官帶住皇帝出宮,而董卓入京之後控制咗朝廷。189年10月,佢就廢咗劉辯嘅帝位,貶佢做弘農王,而扶佢8歲嘅細佬陳留王劉協上位,成爲漢獻帝。劉辯在位得五個月嗟。

到190年,董卓驚地方軍閥攞幫弘農王復辟嘅名來討伐自己,派咗郎中令李儒搦毒酒整死劉辯,重毒殺埋何太后。劉辯終年15歲。之後中國入到軍閥割據嘅時代。

年號[編輯]

劉辯在位時,用過兩個年號

  • 光熹(189年)
  • 昭寧(189年)

其中昭寧係喺九月時改元嘅,但係三日之後就畀董卓廢咗。

睇埋[編輯]

參考資料[編輯]

  • 紀傳體史書
    • 《後漢書》卷八《孝靈帝紀第八》、卷九《孝獻帝紀第九》、卷十下《皇后紀第十下》、卷六十九《竇何列傳第五十九》、卷七十二《董卓列傳第六十七》、卷七十八《宦者列傳第六十八》
    • 《三國志》卷一《魏書一·武帝紀第一》、卷六《魏書六·董二袁傅第六》、卷七《魏書七·呂布臧洪傳第七》
  • 編年體史書
    • 《資治通鑒》卷五十九
    • 《後漢紀》嘅《後漢孝靈皇帝紀下卷第二十五》、《後漢孝獻皇帝紀卷第二十六》

引用[編輯]

  1. . . 蹇碩疑不自安,與中常侍趙忠等書曰:「大將軍兄弟秉國專朝,今與天下黨人謀誅先帝左右,埽滅我曹。但以碩典禁兵,故且沈吟。今宜共閉上閤,急捕誅之。」中常侍郭勝,進同郡人也。太后及進之貴幸,勝有力焉。故勝親信何氏,遂共趙忠等議,不從碩計,而以其書示進。進乃使黃門令收碩,誅之,因領其屯兵。
  2. . . 時王美人任娠,畏后,乃服藥欲除之,而胎安不動,又數夢負日而行。四年,生皇子協,后遂酖殺美人。帝大怒,欲廢后,諸宦官固請得止。
  3. . . 而太后母舞陽君及苗數受諸宦官賂遺,知進欲誅之。數白太后,為其障蔽。又言:「大將軍專殺左右,擅權以弱社稷。」太后疑以為然。

[編輯]

  1. 一係話十四、十五歲,《後漢書》就話十八歲。
  2. 因爲劉辯在位嘅時間太過短,未夠一年,所以一般唔睇佢做漢朝正統皇帝。