孫權

出自維基百科,自由嘅百科全書
Jump to navigation Jump to search
孫權

東吳皇帝

Sun Quan Tang.jpg
唐代畫家閻立本中文閻立本《帝王歷代圖卷》中嘅孫權部分,收藏喺波士頓美術館
在位 200年~222年(江東首領)
222年~229年(吳王)
229年5月23號~252年5月21號(稱帝)
都城 武昌(229年)、建業(229年後)
前任 始祖武烈帝孫堅(追尊)
長沙桓王孫策
繼任 廢皇帝孫亮

配偶 謝夫人中文謝夫人 (孫權)徐夫人中文徐夫人 (孫權)步夫人大懿皇后中文大懿皇后敬懷皇后中文敬懷皇后潘皇后中文潘淑
子嗣
仲謀
諡號 大皇帝
廟號 太祖
父王 孫堅
母后 吳夫人
出世 182年7月5號(光和五年陰曆五月十八)
252年5月21號(神鳳元年陰曆四月廿六)[1]
陵墓 蔣陵
年號 黃武(222年~229年)
黃龍(229年~231年)
嘉禾(232年~238年)
赤烏(238年~251年)
太元(251年~252年)
神鳳(252年)

孫權粵拼syun1 kyun4182年7月5號252年5月21號,即光和五年五月十八-神鳳元年四月廿六),仲謀zung6 mau4),揚州吳郡富春縣人(而家浙江富陽),三國時代嘅開國皇帝之一。佢響222年稱吳王;229年稱帝,建立吳國,即係東吳。諡號係大皇帝,所以稱呼做吳大帝ng4 daai6 dai3);廟號係太祖,所以嗌做吳太祖ng4 taai3 zou2)。佢係江東軍閥首領孫堅嘅二仔,孫策嘅細佬,孫夫人嘅阿哥。

孫權阿爸孫堅同阿哥孫策,響東漢末年群雄割據中,佔據咗江東六郡做根據,打好咗基業同各派軍閥抗爭。孫權文武雙全,年少嗰陣已經有將帥嘅才能、統率大軍嘅能力。200年,佢嘅哥孫策作爲江東盟主,遇刺身亡,於是佢十八歲就掌權,繼任做吳侯,統治咗江東。佢防禦咗曹操劉備嘅進攻,促成三國鼎立嘅局面,面對曹魏蜀漢時,孫權統領嘅東吳企喺中立位置,對東吳有利時會同兩邊妥協。佢冇乜意思要完全征服自己嘅對手,好多史家認爲係因爲後勤基礎未足以支撐孫權實現呢個意思。

啲人對佢評價好高,連佢嘅敵人曹操都讚佢「生子當如孫仲謀」。207年聯合劉備抗曹操,喺赤壁之戰打敗曹操。不過佢末年失策,埋下咗吳國敗亡嘅隱憂。喺三國霸主嘅奠基人中,相比曹操、劉備,孫權嘅統治時間最長。佢過世後,東吳亦自此衰退,噉係由於繼位人能力唔夠。

同三國時代嘅其他第一代君主一樣,孫權都好識用人,而且響納諫方面做得更好,重會認真聽反面意見。同時都好有戰略眼光。《三國志》記載吳國大臣對孫權嘅評價:「提魯肅於凡品,是其聰也;拔呂蒙於行陣,是其明也;獲于禁而不害,是其仁也;取荊州而兵不血刃,是其智也;據三州虎視於天下,是其雄也;屈身於陛下(曹丕),是其略也」,雖然難免溢美之辭,但概括嘅嘢都算全面。

生平[編輯]

家系[編輯]

清代四庫全書》嘅記載,先祖可以追溯到春秋時代兵法家孫武,而家喺浙江省杭州富陽區南部有條叫龍門古鎮嘅村,而家做咗觀光地。呢條村九成人姓孫,自稱係孫權嘅後裔。喺呢條村嘅族譜,客家人革命家孫文亦係呢族人,但實際上孫權嘅阿爺當初出生嘅家世論真僞係不明嘅[註 1]

初頭[編輯]

182年光和五年),阿爸孫堅做緊下邳嘅縣丞時,五男三女中嘅第四仔(二仔)孫權出生,喺個仔出世時望孫權嘅風貌,認爲佢會上到高貴嘅位置而開心。

184年(光和七年),太平道張角發動宗教叛亂,亦即黃巾之亂,爲咗鎮壓佢,佢老豆跟喺漢王朝中郎將朱儁之下參戰,吳氏同啲仔女留咗喺九江郡壽春。189年(中平六年),佢跟住阿哥孫策移居去廬江周瑜屋企。

初平三年(192年[註 2]孫堅喺同劉表戰鬥戰死,畀黃祖嘅部下殺死(襄陽之戰)。葬禮終結後,一時移住江都,由吳夫人撫養啲遺孤。

193年(初平四年),孫策入咗袁術旗下之際,佢派遣呂範將屋企人迎送去住喺曲阿嘅吳景度。遞年,孫策爲咗袁術攻打廬江,揚州刺史劉繇驚咗袁術同孫策,於是同佢哋對立,將吳景趕出丹陽。呢陣時,孫策嘅屋企人都喺劉繇嘅地盤。朱治就使人去曲阿將吳氏連埋孫權同班細佬脫出,保護咗佢哋(《吳書·朱治傳》注《江表傳》)。然後佢同阿媽移住去曆陽同阜陵。

195年興平二年),孫策喺江東舉兵崛起,破咗劉繇軍後,孫策入咗曲阿,派遣部將陳寶去阜陵迎接屋企人,喺之後嘅征戰,孫權就跟住阿哥流轉各地。呢陣時孫權開始同啲士人交流,佢嘅名畀好多人知,攞到嘅名望同佢老豆、阿哥齊等。孫權性格明朗,度量大,諗嘢細,同時有決斷力。因爲噉,孫策制訂策略時,恆常同孫權商議,因此孫權參加咗好多計略、謀議。孫策對佢意見評價幾高,話孫策自身都唔及佢,認爲佢係個非常人材。

孫權得15歲時(196年,建安元年),阿哥就畀佢做咗陽羨縣[註 3]首長,助力孫策佔據江東,之後受推薦,擔任代行奉義校尉嘅職務。佢喺吳郡胡綜朱然學學問。周泰潘璋配畀佢做下屬。亦喺呢年,佢舉做孝廉

199年(建安四年)孫權跟住孫策征伐,擊破廬江太守劉勳,然後進軍沙羨(而家武漢江夏區西郊),擊破黃祖(孫策嘅江東平定)。但喺攻打徐州廣陵郡時,畀廣陵太守陳登大敗[2]

200年(建安五年)初,孫氏同曹操結成同盟。司空曹操招聘孫權同佢細佬孫翊(實際去做人質)。結局冇去成。當年春天孫策畀許貢麾下嘅刺客襲擊,得26歲咁短命。嗰陣時佢嘅仔孫紹未出世,長史張昭推薦嘅軍閥後繼者係孫堅嘅三仔孫翊[3],但孫策付託嘅後嗣係18歲嘅孫權。死之前,孫策同孫權講:「裏頭嘅事決定唔到時問下張昭,外便嘅事決定唔到時問下周瑜。」[註 4]所以佢對張昭行師傅嘅禮遇。

孫權對兄長嘅死傷心到喊唔停口,張昭激勵佢,勸佢除咗喪服,去視察陣營。日後孫權追贈孫堅做武烈皇帝,孫策追贈做長沙桓王[註 5]。由於孫權有才,又注意團結各派力量,好快就掙得威望,令江東局勢從混亂中穩定落來。

江東首領[編輯]

之後孫權繼任攬權。曹操本來想趁孫策死咗嘅機會,去攻擊孫權,呢陣時留喺許都嘅孫氏使者張紘勸話不如畀啲恩惠佢好過,說服到曹操。於是孫權畀曹操把持嘅東漢朝廷封做討虜將軍,兼任會稽太守。當時孫氏支配嘅地域有會稽、吳郡、丹陽、豫章、廬陵等郡,但形勢險峻,難以服從。而且呢陣時君臣關係未有着落,恆常要主君注視事態,所以佢出力鞏固自己嘅勢力。不過周瑜同張昭預見孫權將來係會成就大業嘅人物,所以精誠爲佢效力。

佢從父兄度繼承咗班家臣,共周瑜、程普呂範哋一齊,積極噉錄用優秀人材,亦任命佢哋做軍事指揮官。當中陸遜諸葛瑾步騭魯肅顧雍是儀嚴畯呂岱徐盛朱桓駱統哋就噉樣錄用。喺接位嗰年,廬江太守李術反叛,孫權率領徐琨孫河,舉兵去攻喺皖城嘅李術。於是李術搵死,孫權得到部曲三萬人。

孫權同魯肅去論天下。魯肅提案話:「趁住北方騷亂,攻打黃祖、劉表,制得荊州,用長江做北界來割據,自己稱做帝王。」

202年曹操打敗袁紹,統一北方,開始睺住南方。曹操寄信畀孫權,想孫權交個仔來做人質英文Hostage張昭怕,唔敢決定。孫權同周瑜、阿媽吳氏夫人商議後,就聽周瑜講,堅決唔制。有話之後當年吳氏夫人就逝去嘞[註 6]

203年(建安八年),去討伐有父仇嘅黃祖,擊破佢嘅水軍,黃祖軍兵敗潰走。但對手即將陷落嘅呢個時候,後方山越嘅叛亂活躍,要會軍鎮壓。孫權返到豫章,命令呂範平定鄱陽,程普去討伐樂安。建安、漢興、南平唔服從嘅民衆又起亂,命令賀齊去擊破。叛亂頭目悉數捕俘,討斬獲得嘅首級有成六千。然後原先黃祖嘅部下甘寧加入咗孫權。除咗呢個以外,孫翊同孫河畀媯覽殺死,從兄弟孫暠企圖叛亂,孫輔同曹操內通,但啲問題都解決咗。孫權派遣心腹顧徽做使者去曹操度,去調查朝廷嘅內情。

206年(建安十一年),孫權率領周瑜、孫瑜凌統,討伐山越嘅要衝麻屯、保屯。孫權獲得一萬人餘嘅捕俘,以勝利收場。

207年(建安十二年)繼續西征黃祖,因爲老母重病[註 6],俘虜咗好多人就歸還。喺第年208年(建安十三年)春天,孫權終於整低黃祖,得到江夏郡嘅南部。當時黃祖想用水軍阻止孫權嘅侵攻,但畀呂蒙擊破。由於有凌統、董襲等精銳兵嘅攻擊,所以對手最終陷落,黃祖畀兵士馮則殺死。就噉孫權報咗老豆嘅冤仇。

設立孫劉聯盟[編輯]

孫權

208年,荊州牧劉表死咗,陰曆七月,曹操引大軍打西南邊,劉表嘅後繼者劉琮投降曹操,於是曹操佔得荊州。劉備被迫走難南下,喺長坂坡[註 7]畀曹軍打敗。

孫權聽話曹操入咗荊州,立即派魯肅,名義上去弔問啱病死嘅劉表,查實去一探虛實。魯肅尋着劉備,講聯合抗曹嘅事。

年尾時曹操寄信畀孫權,話「近來我數咗啲罪狀,討伐啲罪人,所以將軍旗揮向南邊,劉琮連表示抵抗都冇就降服。呢次我整備咗80萬水軍嘅軍勢,想同將軍你喺吳地嘅地域打下獵[註 8]噉」,實質逼佢投降。孫權收到呢封信後向群臣展示,冇邊個唔會震驚到面色都變埋[4]。班君臣知道若果唔降服,就會畀曹操討伐,呢份係最後通牒。

孫氏朝臣呢陣時分兩派,主降同主戰,主降派由張昭打頭,話曹操軍勢強勁,想投降曹軍,主戰派由魯肅打頭,想同劉備立聯盟,共抗曹操。於是臣僚間議論紛紛,孫權一時決斷唔到該開戰定歸降。孫氏軍閥嘅性質係豪族嘅集合體,所以歸順派(張昭、秦松等)佔咗多數。劉備嘅軍師諸葛亮派遣到江東,同魯肅隨行,見大都督周瑜爲劉備求救援,作爲使者說服孫權跟主戰派(周瑜、魯肅等)打曹操。周瑜畀意見話曹操講嘅80萬軍只係放大,曹操嘅實力冇咁高。曹軍大部分係北方人,唔熟水戰,熟水戰嘅大部分係荊州降軍,本來冇服務曹操幾耐,所以佢哋嘅戰鬥意志唔會高,兼且當時入咗冬天,北方嘅曹軍亦唔合水土,易病,撐唔到幾耐。

孫權聽從周瑜,揀咗主戰派,決意開戰,孫權攞刀㓟(pai1)咗面前放置上奏文嘅檯嘅一角,話:「今後你哋當中再同我講降服者,個命運就同呢張檯一樣。」[4]表明咗佢決斷嘅意志。孫權派周瑜、程普共魯肅引三萬兵馬出陣,同劉備聯盟打曹軍。同年嘅赤壁之戰中,戰況上,由於唔慣江南嘅氣候同地勢,曹操陣營疫病流行,而通過黃蓋詐降曹操,孫劉聯軍展開咗優勢,周瑜用計火攻打散曹操水軍[註 9]。最後喺赤壁完全擊破曹操軍,曹操悟到不利,唯有走返鄴郡,留徐晃同曹仁守江陵,樂進守襄陽,滿寵守當陽

嫁妹畀劉備[編輯]

戰後,劉備上表劉表嘅長子劉琦荊州刺史,併合咗荊州南部嘅武陵長沙桂陽零陵呢四郡。然後208年12月,孫權自己親身打由劉馥鎮守嘅合肥,又派張昭去進攻喺九江嘅當塗,但唔成功。曹操派張喜中文張喜解圍合肥。孫權軍包圍合肥已經幾耐,但仲未破到城。劉馥嘅副將蔣濟勸劉馥派三個守將帶信詐話張喜援兵已經到咗城外。孫權捉到當中兩個守將,中咗蔣濟計謀,於是決定撤退。

209年,孫權派周瑜帶軍攻打江陵,同劉備一齊攻取南郡,一年間嘅攻防後,逼到曹仁棄城退卻,走返去襄陽,平定咗南郡呢個地域,孫權任命周瑜做南郡太守。按劉備嘅上奏,孫權就任爲徐州牧、行車騎將軍。之後冇耐,劉琦死去,左將軍劉備就自己做咗荊州牧。孫權同劉備喺京口會見,結成咗個人友誼。喺赤壁嘅荊州爭奪戰中獲得嘅領地,商量佢哋嘅領有權嘅結果係,由於魯肅嘅提案,同劉備協調來對抗曹操,孫權就借畀劉備荊州數郡,劉備就領有咗南郡、武陵、長沙、桂陽、零陵呢荊州南部五郡,構築咗公安呢個根據地。

但係孫權逐漸怕咗劉備擴大緊嘅勢力,於是將佢嘅妹孫氏同劉備聯姻,來加深友好關係[5]

爭奪荊州、交州[編輯]

210年(建安十五年),佢派遣交州刺史步騭,士燮就服屬咗佢,又謀殺咗吳巨。於是孫權就領有咗交州九郡:南海、鬱林、交趾、日南、珠崖、儋耳、蒼梧、九真、合浦。211年孫權將自身嘅大本營搬去秣陵,又改佢名做建業

212年(建安十七年)開始,直到第年正月,曹操親自引水陸聯軍攻打孫權嘅江西營,孫權阻止咗佢,兩邊喺濡須口[註 10]交戰對峙咗好耐,但不分勝敗。當時孫權自己坐船去視察曹操嘅陣營,親自出陣,孫權嘅視察團無論武器定隊伍等都喺完成整頓嘅狀態。曹操見到噉,亦歎服孫權嘅天才,稱讚話「生仔就要似孫權噉」(生子當如孫仲謀)[6],於是軍事上退卻咗,就噉擊退咗佢哋。呢場仗叫濡須口之戰

213年,因爲嗰陣劉備打西川,孫權就派人到荊州接孫夫人返。孫夫人諗定帶埋先七歲嘅劉禪(劉備嘅仔)走。劉備屬將趙雲張飛帶軍出去截住佢哋,勸孫夫人留低,但孫夫人唔聽。二將就畀孫夫人走,但押住咗劉禪響度。

214年(建安十九年),劉備平定到益州,益州刺史劉璋畀佢打到投曬降,於是劉備就領有咗益州,所以孫權就要求劉備返還荊州嘅長沙、桂陽、零陵呢三郡。呢個係劉備喺揚州時就答過話得咗手會還嘅,但呢陣劉備就唔制,而且劉備又要入手涼州,所以就算返還荊州全部領地,個承諾履行都要延期。開頭孫權爲咗支配呢三郡,送咗啲官入去,但被趕返出來,所以孫權嬲嘞,派遣呂蒙哋用軍隊武力奪取長沙、零陵、桂陽三郡,因而喺荊州同關羽對立。呢陣時劉備亦準備送大軍入去打,想發展成全面戰爭,但曹操入侵漢中,劉備驚冇咗益州,於是同孫權和解。於是東西分割咗荊州,東面歸孫權,西面歸劉備,長沙、桂陽返還畀孫權,回復返表面上嘅同盟友好關係。實際上喺呢年,孫權採用咗呂蒙嘅意見,準備緊對荊州嘅征討戰爭。

5月,呂蒙、甘寧率領軍隊,去攻擊曹操佔領嘅皖城,攻城戰喺朝頭早之內終結。捕捉咗廬江太守朱光中文朱光 (三国)同埋數萬人嘅男女。當年曹操輸咗第一次濡須之戰,之後走返去京城,派張遼樂進李典守合肥。之後曹操帶軍打張魯,歷時幾耐,孫權睇曹操喺漢中,就引十萬大軍進駐祿口,準備打合肥。

215年(建安二十年)8月,孫權率領10萬軍勢,經過百餘日去攻擊合肥城,叫做第二次合肥之戰。張遼同李典呢二將之間不和。張遼收到曹操使者帶嘅密函。曹操叫張遼、李典出去打,而留樂進守城。張遼話要趁孫權軍勢未集結完,先出軍襲擊打孫權。李典亦同意,拋開同張遼嘅嫌隙。張遼選咗800人嘅軍,騎馬打頭衝入敵陣,斬死孫權嘅兩員大將,然後突圍迷惑敵方。

當時喺戰場之中,攻擊時孫權親自企喺陣頭,喺退卻時係直到最後都留喺戰場,來執行退卻指揮,所以佢幾勇猛果敢,但某啲時候又過於輕率,幾度差啲冇命。但佢仲未攻落座城就撤退嘞,因爲孫權軍爆發疫病。撤退時佢哋仲畀張遼奇襲添。張遼秘密整斷逍遙津嘅橋,想生擒孫權,就佈咗埋伏喺嗰度。過逍遙津橋時,孫權軍被埋伏,而橋亦被切斷。

呢陣時雖然孫權班軍士打散咗,情勢危急,好在牙將凌統奮戰之下,亦走出困境,孫權過橋時係策馬飛躍斷橋嘅。呢個過程中陳武戰死,孫權好哀痛,親自舉行葬禮,而陳武嘅愛妾亦殉葬[7]。呢次撤退孫權軍受到重創。

217年(建安二十二年),曹操攻擊濡須,第二次濡須口之戰開打,孫權就任命呂蒙做大將來防佢。山越亦呼應曹操而舉兵,但孫權命令嘅賀齊同陸遜擊破咗佢哋。就喺同曹操嘅戰線膠着時,孫權向曹操降服。孫權派遣徐詳,形式性噉臣從曹操,因爲噉曹操軍撤走,然後又向曹操勸進帝位。見到呢封信後,曹操話:「呢隻衰仔,望個樣係跪低,查實係擺我上炭爐之上烤」(成語典故「踞爐炭上」)[8]

孫權之所以臣服曹操,噉係由於荊州問題而同劉備不和導致嘅。劉備支配咗益州同半邊荊州,個勢力擴大中,諸葛瑾再次做使者要求返還荊州,但返還實現唔到,失敗咗。219年(建安二十四年),孫權提出將關羽嘅女嫁畀佢嘅仔,兩家結成婚姻,但關羽斷然拒絕,話「老虎嘅女點會嫁畀狗嘅仔」(吾虎女安肯嫁犬子乎),鬧低孫權。關羽留低公安同南郡守備程度嘅兵力去看住荊州,然後率軍北上,去包圍曹仁守住嘅襄陽。孫權見到呢個係個機會搶返荊州,將詐病嘅呂蒙召喚返去,隱密噉準備戰爭。孫權話就話要畀救援畀關羽,但又慢慢進兵。於是關羽就鬧:「禽獸!樊城陷落之時,我仲唔滅咗你!」(鰂子敢爾,如使樊城拔,吾不能滅汝邪!)孫權聽聞咗呢啲說話,知道佢輕視自己,詐寫信來陳謝道歉[9]

呢陣時,曹操軍驚咗關羽嘅快進攻擊,曹操嘅部下司馬懿蔣濟見到關羽同孫權之間交惡,就有咗計,提案話將荊州讓渡畀孫權,然後依賴佢討伐關羽。喺之前嘅單刀會談,劉備以湘水做界線割開兩邊,如今,關羽因爲兵糧不足,就襲擊孫權軍境內,強奪軍需物資。孫權上表完漢天子,表示同意共呂蒙訂立計略,令關羽疏忽大意。關羽喺度呃咗,動員全軍去樊城,又轉運湘關嘅軍糧。

10月,孫權派呂蒙、陸遜率軍討伐關羽。呂蒙做先鋒,得到咗關羽嘅大本營江陵。最屘12月,孫權喺背後平定咗荊州,全數奪還劉備領有嘅荊州,關羽失咗退路,畀孫權捕捉,處刑咗關羽[10]樊城之戰)。麋芳等歸順。因爲呢啲功績,漢朝廷昇進佢做驃騎將軍,任荊州牧,封做南昌侯。之後,招聘咗張承闞澤潘濬劉基

220年曹操死咗,佢嘅仔曹丕廢咗東漢獻帝,受咗禪讓自己即位爲皇帝(文帝),建立咗魏國,第年蜀漢劉備亦昇咗帝位。因爲奪取咗荊州,孫權同劉備敵對,所以孫權就接近咗曹丕,承認曹丕嘅皇帝位。孫權繼續形式上對魏國行臣下嘅禮,文帝就封佢做吳王、大將軍,畀佢督揚、荊、交三州。另外,孫權派遣陳化馮熙沈珩中文沈珩 (东吴)趙咨哋做使者,構築同魏國嘅安定關係。

同年七月,劉備率領軍士侵攻吳地,孫權任命陸遜做總指揮官去防禦。同時爲咗因住魏國趁呢陣侵略,就派遣咗使者過去。呢陣時文帝要求獻上象牙、珍珠、孔雀等珍貴嘅貢品,一班家臣就好憤慨,要求拒絕。然而孫權話「百姓嘅性命取決喺一個人嘅決定」,就將要求嘅物品全部獻上。222年(黃初三年)陸遜用火攻擊退劉備軍。

孫權

但從呢陣時起,同魏國嘅關係惡化。噉係因爲文帝攞畀孫權嘅仔就任朝廷官職嘅名份來要求交人質,而孫權拒絕咗呢樣嘢。於是魏國派曹真夏侯尚做指揮官,分三路進攻吳地,但畀潘璋擋住咗,因爲呢個功勞孫權晉級潘璋做右將軍。夷陵大戰結束以後孫吳派遣使者去蜀漢,修復返個友好關係。

即位做皇帝[編輯]

吳國地圖

229年(黃龍元年)孫權喺班臣下嘅勸告下最後即位做皇帝。呢陣時就追尊孫堅做武烈皇帝,喺嗰陣時因爲「堅」嘅發音同「甄」同音,就改咗「甄」嘅字音,畀後世繼承[註 11]

230年,孫權因爲多次戰爭,吳國嘅住民已經不足,於是派衞溫、諸葛直帶精兵一萬名,落指示去臺灣等地徵發居民。但係衞溫、諸葛直佢哋遇到風浪,孫權畀佢哋嘅兵力大部分都冇咗,就噉佢哋到咗臺灣,喺嗰度徵發咗大約一千名南島系原住民(高山族),帶佢哋返建業。因爲呢樣嘢,孫權大怒,將衞溫同諸葛直絞首。

233年,孫權向遼東公孫淵派遣使者,以藩國嘅禮對佢。作爲答禮,孫權派兵士一萬名帶住金銀寶貨送畀公孫淵,於是啲人就坐船向遼東進發。張昭認爲公孫淵係咪值得信賴嘅人物呢點未知,所以反對件事,但孫權唔聽佢講,仲係派遣咗使者。果然公孫淵殺咗孫權嘅使者,將使者嘅頭交畀魏國,又奪取埋吳國嘅軍隊同財物。孫權去張昭嘅屋企,去勸鬥緊氣嘅佢出返來,但張昭對孫權無視自身嘅話呢件事覺得傷咗心,死都唔出來。嬲咗嘅孫權喺大門外封咗埲泥牆,鬥氣作對嘅張昭亦喺入面用泥封死咗內門。孫權爲咗逼張昭出屋企,就放火燒佢間屋,但佢噉都唔出來,於是慌急噉冚熄火,最後先至請到張昭出來,畀佢坐車做貴賓。

末年[編輯]

241年時,皇太子孫登死咗,於是引發後繼選定嘅內部紛爭。孫權喺初頭想揀孫和做第個皇太子,但對孫霸亦好啱心水,就封佢做魯王,用皇太子嘅同等身份去對佢。於是班臣下就分裂成孫和派同孫霸派。喺顧雍之後繼承做丞相嘅陸遜經常上訴話「嫡子同庶子喺待遇上係要有差別」。於是孫霸派就捏造罪名,打擊對手。孫權派咗問責使者追究陸遜,搞佢一大鑊,後來陸遜死咗。於是後繼嘅爭鬥更加激化。

250年,孫權以兩邊都罰嘅形式,廢咗孫和嘅皇太子位,命令孫霸自決,然後將佢呢一黨冚唪唥處刑。結果最後孫亮做咗皇太子。呢個過程中,諫言關於孫和廢位嘅數十名臣下唔係處刑就係流配。孫權喺252年四月,同諸葛恪託付咗後事,以七十一歲嘅年紀逝去[12]

入仕孫權嘅人[編輯]

[編輯]

  1. 據《吳書·孫破虜討逆傳》。另外,據南朝宋代記嘅《異苑》,孫權嘅阿爺係個「賣瓜嘅」叫孫鍾嘅人物。同樣係南朝宋嘅文獻,《幽明錄》(而家散佚)亦記載個名叫孫鍾。此外,東晉裴啟中文裴啟《裴子語林》亦有記孫鍾嘅事項。
  2. 一說191年(初平二年)。
  3. 而家屬江蘇宜興。
  4. 原文:內事不決問張昭,外事不決問周瑜。
  5. 若果孫策追贈做皇帝,噉嘅境遇下,孫權唔再係君主,變咗做攝政官,就要將帝位讓畀孫策嘅後孫。孫權自身爲咗繼續以君主身份施行任務,就唔畀皇帝名份過孫策。
  6. 6.0 6.1 吳夫人嘅死年有兩種講法,《三國志》話佢喺202年死,《會稽典錄》話佢喺207年死。
  7. 長坂坡離近而家嘅當陽
  8. 「一齊狩獵」裏頭嘅意思係話打番場來一決雌雄噉解。
  9. 周瑜主張黃蓋去詐降,秘密指示黃蓋借計去曹營,周瑜用棍杖打佢一餐,攞個口實詐投降去曹操,趁機火攻曹營。
  10. 安徽無爲縣嘅東南。
  11. 換言之,原本甄字嘅粵音會係gin1,但如今嘅字音係jan1[11]。但喺清代有人考證認爲,三國時北方亦有讀「真」音嘅,唔係避諱,而係另一個字音,呢個就同通常講法相反咗。

[編輯]

  1. 據《三國志·諸葛恪傳》。
  2. 據《三國志・陳矯傳》。
  3. 據《典略》,睇裴松之註釋《三國志》51卷《吳書》第六孫翊傳嘅引用。
  4. 4.0 4.1 據《江表傳》。
  5. 《三國志·蜀書·先主傳》:權稍畏之,進妹固好。
  6. 《三國志·吳主傳》,【公見舟船器仗軍伍整肅,喟然嘆曰:「生子當如孫仲謀,劉景升兒子若豚犬耳!」】
  7. 據虞溥《江表傳》。裴松之注釋《三國志》第55卷吳書第十嘅《陳武傳》有引用。
  8. 《晉書·宣帝紀》,【魏武帝曰:「權遣使乞降,上表稱臣,陳說天命。魏武帝曰:「此兒欲踞吾着爐炭上邪!」】
  9. 據《蜀書·關羽傳》引用嘅《蜀記》同《典略》。
  10. 據《三國志》第54卷吳書第九嘅《呂蒙傳》。
  11. 《三國志·吳書》:「孫堅入洛,屯軍城南,甄宮井上,旦有五色氣,令人入井,探得傳國璽,以甄與己名音叶,爲受命之符,則三國以前未有音之人切者。孫權即位,尊堅爲帝,江左諸儒爲吳諱,故改音『真』。」
  12. 據《三國志·吳書》嘅《吳主傳》。
前任:
孫策
第三代江東地方軍閥
200年220年
繼任:
(吳王)
前任:
(開始封王)
第一代曹魏嘅吳王
220年222年
繼任:
曹彪
前任:
(第一代)
第一代吳國皇帝
229年252年
繼任:
廢帝孫亮