韓遂

出自維基百科,自由嘅百科全書
跳去導覽 跳去搵嘢
韓遂
Han Sui Qing Dynasty portrait.jpg
出生日2 century 喺Wikidata改呢個
死亡日215年 喺Wikidata改呢個
國籍中國 喺Wikidata改呢個
職業軍人 喺Wikidata改呢個

韓遂粵拼hon4 seoi6;永和年間—215年),原名係韓約hon4 joek3,字文約man4 joek3涼州金城人,係東漢末年涼州地區嘅割據軍閥之一,仲係馬騰義兄弟。曾經同馬超一齊反曹操,但係失敗咗之後,馬超投降張魯,而佢逃走,後俾部下殺害。

一生[編輯]

佢本名係韓約,後生被朝廷召去上京,嗰陣大將軍何進聽到佢名聲之後就見咗韓約,韓約勸佢殺嗮宦官,佢唔聽,韓約認定佢會失敗就返去涼州。

黃巾起義嗰年(184年),韓約係涼州從事,當時北宮伯玉反漢,韓約同涼州督軍從事邊允被佢劫持,韓約為咗安全就加入佢哋,做咗佢軍師,之後就做佢嘅頭首,攻殺護羌校尉泠徵、金城太守陳懿。被嗰度懸賞萬戶侯捉邊允、韓約,佢哋就改名邊章同韓遂

之後朝廷派皇甫嵩董卓討伐佢哋,皇甫嵩討伐失敗之後被十常侍張讓趙忠誣衊失職,呢時韓遂佢哋壯大自己嘅勢力。朝廷又用司空張溫做車騎將軍,同埋假節,畀執金吾袁滂做副將,董卓做破虜將軍,同埋盪寇將軍周慎被張溫領導。張溫帶十萬兵馬對付韓遂佢哋,邊章同韓遂佢地進軍美陽,一時畀漢軍劣勢。

同年十一月,韓遂佢哋嘅軍馬被流星嚇櫬,認為係凶兆,愛返去金城,董卓聽咗之後就同鮑鴻佢哋進擊,斬殺數千人,畀邊章、韓遂退返榆中。張溫就畀周慎派三萬人去追擊,唔聽孫堅嘅斷糧戰略,被邊章、韓遂挾擊,斷周慎嘅運道,周慎驚到放棄戰車同輜重撤退。

中平三年(186年)春,韓遂殺死邊章[1]北宮伯玉同李文侯,擁兵十餘萬進軍隴西。

四年(187年),韓遂喺金城被涼州刺史耿鄙討伐唔成,嗰陣隴西郡太守李參起兵反漢,同韓遂聯合,一齊殺死涼州刺史耿鄙。耿鄙嘅司馬馬騰、王國自己號稱「合眾將軍」背叛朝廷同韓遂同謀。畀王國做首領,招人同埋抄劫三輔。

藝術形象[編輯]

喺小說《三國演義》係172年(漢建寧五年、熹平元年)生,韓遂俾馬超砍咗左臂之後投靠曹操,之後喺嘉靖本度註解佢215年被馬夫殺死,而毛版則冇下落。

  1. 《典略》係病死