公孫瓚

出自維基百科,自由嘅百科全書
跳去導覽 跳去搵嘢

公孫瓚(—199年),字伯珪,係東漢末期人,做過中郎將,封都亭侯同幽州刺史。

佢曾經同劉備劉德然盧植為師。鎮守遼西嗰時曾經同烏桓鮮卑交過手,由於佢鍾意揀白馬做先鋒,所以自稱「白馬義從」。佢曾經將佢細佬公孫越嘅死歸究於袁紹,並同袁紹為爭北方而連年交戰。

佢成日討伐外族,違反咗佢身為漢室宗親上司劉虞嘅親外族對策,加上佢之前暗中建議袁術佔用劉虞嘅支援同扣留佢個仔劉和,加深咗佢同劉虞嘅唔啱,劉虞就忍唔住,想殺咗公孫瓚佢哋,反而被公孫瓚藉口捉嚟斬首。劉虞生前有人望同有愛心,呢事激嬲咗屬下鮮于輔佢哋聯合袁紹報仇,退咗公孫瓚,加埋公孫瓚佔咗幽州之後用小人同逼害富商名士,佢人心同勢力日日衰退。

建安四年(199年)喺易京輸畀袁紹,佢先將佢姊妹同妻兒全部縊死,之後就引火自焚。