徐榮 (東漢)

出自維基百科,自由嘅百科全書

徐榮粵拼ceoi4 wing4;?—192年)係幽州遼東襄平人,東漢末年董卓嘅部下。

做咗乜[編輯]

徐榮喺董卓嗰度做中郎將,佢曾經向董卓推選過同郡出身嘅公孫度做遼東太守。[1]。190年,徐榮喺滎陽汴水嗰度遇到咗曹操嘅獨立追擊軍,喺激烈嘅交戰之後,徐榮做低咗曹操,但佢冇去追擊曹操[2]。喺梁東做低咗孫堅嘅部隊,並且將捉到嘅穎川太守李旻烹殺[3][4]。董卓死咗之後,佢嘅部將李傕同埋郭氾起兵攻打關中,司徒王允派徐榮同胡軫一齊帶兵防守,雙方喺新豐交戰,徐榮戰死,胡軫帶兵投降李傕軍[5]

參考[編輯]

引用[編輯]

  1. 《三國志·魏書八·二公孫陶四張傳》:同郡徐榮為董卓中郎將,薦度為遼東太守。
  2. 《三國志·魏書一·武帝紀》:到熒陽汴水,遇卓將徐榮,與戰不利,士卒死傷甚多。太祖爲流矢所中,所乘馬被創,從弟洪以馬與太祖,得夜遁去。榮見太祖所將兵少,力戰盡日,謂酸棗未易攻也,亦引兵還。
  3. 《三國志·吳書一·孫破虜討逆傳》:堅移屯梁東,大為卓軍所攻,堅與數十騎潰圍而出。
  4. 《後漢書·卷七十二·董卓列傳》:時長沙太守孫堅亦率豫州諸郡兵討卓。卓先遣將徐榮、李蒙四出虜掠。榮遇堅於梁,與戰,破堅,生禽潁川太守李旻,亨之。
  5. 《後漢書·卷七十二·董卓列傳》:王允聞之,乃遣卓故將胡軫﹑徐榮擊之於新豐。榮戰死,軫以眾降。