孫亮

孫亮（粵拼：syun1 loeng6；243年—260年；252年—258年在位），字子明（zi2 ming4），係中國三國時代吳國君主，在位六年。由於佢後尾俾人廢咗，所以史稱吳廢帝（ng4 fai3 dai3）；亦有史家根據佢被廢之後嘅爵位稱之為會稽王（會讀繪，kui2 kai1 wong4）^[1]。

孫亮係吳大帝孫權最細個仔，所以最初佢唔係太子。然而，佢大佬孫登早年瓜咗，而另一個阿哥孫和就因為被陷害而被廢太子之位，於是孫權就立孫亮做太子。孫權於252年瓜咗，孫亮繼位做皇帝，嗰陣得八歲。太平三年（258年）九月廿六，永寧侯孫綝發動政變，將孫亮廢做會稽王。孫亮瓜嗰陣十八歲。