丁原

出自維基百科,自由嘅百科全書
Jump to navigation Jump to search
丁原
Ding Yuan Qing Illustration.jpg
清代《三國演義》嘅丁原插畫
東漢 官員、將領
189年
洛陽
活躍時期 189年
遞啲名
建陽

丁原粵拼ding1 jyun4;?—189年),字建陽gin3 joeng4),係東漢末年嘅官吏、將領,亦係地方豪強之一。佢參加咗三國開頭時嘅軍閥戰爭,最後喺董卓手下失敗。

出身[編輯]

丁原出身窮家,雖然份人好粗,不過好夠膽。佢學過騎馬射箭。佢提拔到喺地方做官,去鎮壓劫匪,經常唔礙於艱難危險。

慢慢佢得以升做并州刺史。佢帳下嘅手下有兩個人出名,即係呂布張楊。喺小說《三國演義》,羅貫中寫成丁原認呂布做契仔。

喺洛陽[編輯]

189年,漢靈帝死,太子劉辯登基,即係漢少帝。外戚大將軍何進攬權輔政,同啲宦官有矛盾。由於說服唔到佢嘅妹何太后去剷除宦官,何進派人出去話畀丁原同喺河東駐軍嘅將領董卓聽,要佢哋帶軍入洛陽,假扮成反對宦官嘅樣,目的係逼太后同意罷職啲宦官[1]

丁原受令,帶軍到洛陽面前,帶埋呂布同張楊。何進調動張楊去上黨(而家中國山西東南)討伐嗰度嘅山賊。

189年農曆八月,何進聽咗手下袁紹嘅意見,入長樂宮去見何太后,提議殺曬啲宦官。消息走漏咗,宦官張讓共段珪嗱嗱淋指揮數十軍兵揸兵器埋伏,等何進出宮門時就出來生擒佢,然後殺死佢[2]

袁紹帶軍攻入宮中,殺滅啲宦官[3]。無幾耐後董卓帶軍入洛陽,用武力操縱朝廷。最後袁紹走佬到渤海。

董卓收曬何進嘅軍隊。由於最初董卓嘅軍隊只有三千人,於是佢想兼併啲軍閥來壯大自身,丁原就係其中佢睇上嘅一個。董卓見呂布咁得丁原信任,於是用收買呂布,教唆呂布反佢上頭。呂布聽咗董卓,然後因爲丁原嗰陣無防備,呂布突然殺害咗佢,然後帶軍降董卓。

之後丁原部將張楊河內郡太守,而呂布聽咗王允話,反面殺董卓。

喺三國演義[編輯]

羅貫中嘅小說《三國演義》,丁原出現喺第三回,同董卓敵對。佢畀呂布殺害時喺夜晚睇緊書。

睇埋[編輯]

[編輯]

  1. 據《細說三國》第39頁。
  2. 據《細說秦漢》第338頁。
  3. 據《中國宦官傳》第50頁。

參攷資料[編輯]

  • 陳壽(著);裴松之(注). "魏書:呂布臧洪傳 — 呂布傳". 《三國志》. 刺史丁原為騎都尉,屯河內,以布為主簿,大見親待。靈帝崩,原將兵詣洛陽。〈英雄記曰:原字建陽。本出自寒家,為人粗略,有武勇,善騎射。為南縣吏,受使不辭難,有警急,追寇虜,輒在其前。裁知書,少有吏用。〉與何進謀誅諸黃門,拜執金吾。進敗,董卓入京都,將為亂,欲殺原,併其兵眾。卓以布見信於原,誘布令殺原。布斬原首詣卓…… 
  • 范曄. "孝靈帝紀". 《後漢書》. ……大赦天下,改光熹為昭寧。并州牧董卓殺執金吾丁原。 
  • 范曄. "董卓列傳". 《後漢書》. ……卓又使呂布殺執金吾丁原而並其觿〈英雄記曰:「原字建陽。為人麤略有勇,善射,受使不辭,有警急,追寇虜輒在前。」〉 
  • 范曄. "劉虞公孫瓚陶謙列傳:公孫瓚傳". 《後漢書》. 紹不能舉直措枉,而專為邪媚,招來不軌,疑誤社稷,至令丁原焚燒孟津<續漢書曰:「何進欲誅中常侍趙忠等,進乃詐令武猛都尉丁原放兵數千人,為賊於河內,稱『黑山伯』,上事以誅忠等為辭,燒平陰、河津莫府人舍,以怖動太后。」>,董卓造為亂始。紹罪一也。 
  • 陳壽(著);裴松之(注). "魏書:二公孫陶四張傳 — 公孫瓚傳". 《三國志》. 紹專為邪媚,不能舉直,至令丁原焚燒孟津,招來董卓,造為亂根,紹罪一也。 
  • 黎東方 (2003年). 《細說三國》. 上海人民出版社. 
  • 黎東方、王子今 (2002年). 《細說秦漢》. 上海人民出版社. 
  • Vương Xuân Du(字未定,僅參攷:王春瑜) (1996年). Truyện các hoạn quan Trung Quốc(漢喃:傳各宦官中國;中譯:中國宦官傳) (用越南文寫). 文化資訊出版社(Nhà xuất bản Văn hóa thông tin家出版文化通信).  templatestyles stripmarker in |publisher= at position 111 (詳情); templatestyles stripmarker in |title= at position 107 (詳情)
  • Trịnh Phúc Điền, Khả Vĩnh Quyết, Dương Hiệu Xuân(字未定,僅參攷:鄭福田、可永決、楊號春) (2006年). "集一". Tướng soái cổ đại Trung Hoa(漢喃:將帥古代中華;中譯:中華古代將帥) (用越南文寫). 青年出版社(Nhà xuất bản Thanh niên家出版青年).  templatestyles stripmarker in |publisher= at position 102 (詳情); templatestyles stripmarker in |title= at position 103 (詳情)