呂蒙

出自維基百科,自由嘅百科全書
呂蒙

呂蒙粵拼leoi5 mung4178年220年),字子明zi2 ming4,因為做過虎威將軍又叫「呂虎威」,汝南人,東漢末年孫權麾下名將。

一生[編輯]

呂蒙出身貧苦,冇受過教育就偷去當兵打仗,後生嗰時就跟住孫策征討山越族嘅姐夫鄧當圍剿山越,喺跟佢嗰段日子就俾鄧當嘅部下睇小,呂蒙就好嬲咁殺咗佢,之後走返去鄉下,冇幾耐佢就自首。孫策見佢非泛泛之輩,所以就恕佢嘅罪,重收佢做手下,擔任侍衛。

幾年後鄧當死咗,孫策嘅重臣張昭就推薦呂蒙頂鄧當個位,任別部司馬。

之後俾孫策細佬孫權提拔,同蔣欽俾孫權勸學,熟讀群書,知識叻過好多文人儒者,有「士別三日,刮目相看」嗰故事,識處理人事,有國士之風,智勇雙全,魯肅死咗之後同孫皎分任左右都督。佢幫孫權打咗唔少地方,抗過曹操攻擊,用心理戰術拐走咗關羽攞荊州,令孫權國力大增,冇耐病逝,後世被睇成名將,同周瑜、魯肅同陸遜合稱四大都督。

功績[編輯]

  1. 用計打敗關羽、再搶返荊州(219)
  2. 斬咗陳就(208)
  3. 討伐廬陵一帶賊兵(208)
  4. 周瑜程普烏林西破曹操(208)
  5. 長沙、桂陽二郡一舉而下(215)
  6. 圍剿山越(193)

關於佢嘅成語[編輯]

小說[編輯]

《三國演義》[編輯]

一開始同陸遜徐盛等被孫權招賢成為手下,冇講佢做過孫策小兵同勸學嘅故仔。佢攞返荊州之後俾關羽追魂索命,七孔流血致死嘅傳說。