公孫康（2世紀—3世紀），遼東郡襄平縣（今遼寧省遼陽市區）人。東漢末年割據係遼東地區嘅軍閥。佢繼承咗佢亞爸公孫度嘅官位，最出名嘅事蹟就係將嚟投靠自己嘅袁熙同埋袁尚處死，並且將兩人嘅首級送俾曹操。
207年，袁熙同埋袁尚聯合鳥丸嘅蹋頓一齊進攻白狼山，但係佢哋被曹操手下張遼打敗，蹋頓戰死。袁熙同袁尚走咗去遼東，遼東太守公孫康驚被袁熙同袁尚鳩佔鵲巢，係見到曹操無攻擊自己後將兩人斬殺，首級送俾曹操，因此被拜為左將軍，封襄平侯[1]。建安年間，公孫康攻陷高句麗嘅都城[2]，並且分屯有縣以南嘅荒地做帶方郡，此外仲派軍隊攻打韓濊。公孫康死後，佢二個仔仲好細個，遼東太守嘅職位佢細佬公孫恭繼承。[3]
- 公孫模、張敞，治理帶方郡[4]。
- 韓忠，公孫康派韓忠將自己私製嘅單于印綬送畀假峭王[5]
- ↑ 《三國志·魏書八·二公孫陶四張傳》：袁尚等奔遼東，康斬送尚首。封康襄平侯，拜左將軍。
- ↑ 《三國志·魏志·東夷傳》：建安中，公孫康出軍擊之，破其國，焚燒邑落。
- ↑ 《三國志·魏書八·二公孫陶四張傳》：康死，子晃、淵等皆小，眾立恭為遼東太守。
- ↑ 《三國志·魏書三十·烏丸鮮卑東夷傳》：「桓、靈之末，韓濊強盛，郡縣不能制，民多流入韓國。建安中，公孫康分屯有縣以南荒地為帶方郡，遣公孫模、張敞等收集遺民，興兵伐韓濊，舊民稍出，是後倭韓遂屬帶方。
- ↑ 《三國志·魏書二十六·滿田牽郭傳。》：又遼東太守公孫康自稱平州牧，遣使韓忠齎單于印綬往假峭王。峭王大會群長，忠亦在坐。
