葛玄

出自維基百科,自由嘅百科全書
葛玄
葛玄嘅畫像
東吳 道士
164年
244年
遞啲名
孝先
其他名 葛仙翁、葛仙公、太極左仙公、沖應真人、沖應孚佑真君

葛玄粵拼got3 jyun4164年244年),字孝先haau3 sin1),琅琊人(而家山東),係東漢末年、三國孫吳嘅有名道士,係左慈嘅徒弟。人稱葛仙翁got3 sin1 jung1)、葛仙公got3 sin1 gung1)。佢係《抱朴子》作者葛洪嘅從祖。

葛玄出身嘅葛家係官宦名門,七代祖葛艾封爲僮侯,阿爺葛矩係安平太守黃門郎,從祖葛彌係五郡嘅太守,老豆葛焉係州主簿、山陰令、散騎常侍大尚書。葛玄自細聰明好學,鍾意老莊學說,唔鍾意官宦仕途。十幾歲時覺得人生無常,於是專心學道。

三國初期,左慈來到葛玄住嘅江左,葛玄跟佢學道,傳授咗《太清》《九鼎》《金液》等丹經同埋《三元真一妙經》。後來葛玄將呢啲丹經傳畀弟子鄭隱,之後鄭隱傳畀葛洪。葛玄歡喜遊山玩水,遊歷過括蒼山南嶽羅浮山閣皂山呢啲名山。喺道書中有講葛玄諸如辟穀,用符籙幫人驅病作法之類嘅事蹟。吳大帝孫權喜好道術,葛玄同佢交遊深得孫權器重,於是孫權幫佢起咗39間道觀[1]。東晉後期傳說話,太極真人徐來勒向葛玄傳授咗靈寶經,之後葛玄傳畀鄭隱,鄭隱傳畀葛洪,再傳去葛巢甫,自此靈寶經通行於世。葛玄係靈寶經傳授嘅關鍵人物。

傳說佢成仙時,葛玄同弟子講明佢飛昇嘅日子,到咗嗰日,佢着齊衫入房,瞓低後就斷氣,但面色唔變,弟子燒香守住佢,守咗佢三日三夜。半夜時突然颳大風,聲大到似打雷。停咗風再點蠟燭,葛玄唔見咗,着嘅衫留喺床度,衫帶都無解開。第朝問隔籬屋,啲人話邊有打風呢,原來陣風只打喺屋內。傳說話佢成仙後證嘅位係太極左宮天機內相,所以稱呼佢葛仙翁。

陶弘景嘅《洞玄靈寶真靈位業圖》排列咗南梁以前道教神仙嘅神位,其中葛玄排喺第三左位,所以稱爲太極左仙公taai3 gik6 zo2 sin1 gung1。北宋徽宗封佢爲沖應真人cung1 jing3 zan1 jan4),南宋理宗封佢爲沖應孚佑真君cung1 jing3 fu1 jau6 zan1 gwan1道教靈寶派閣皂宗奉葛玄做祖師爺。喺一啲道教流派中,葛玄同張道陵許遜薩守堅並列爲四大天師。

[編輯]

  1. . 南京市政府. 2015年5月23號. 原著喺2016年3月4號歸檔. 喺2016年6月24號搵到.

參攷資料[編輯]

  • . 蓬瀛仙館道教文化中心資料庫. 2015年12月17號. 喺2016年6月24號搵到.
  • 陶弘景 (1988年). . . 文物出版社、上海書店、天津古籍出版社.
  • 葛洪. 八:葛玄傳. .