劉琮 (劉表個仔)

出自維基百科,自由嘅百科全書
跳去導覽 跳去搵嘢
Disambig.svg
呢篇文章講嘅係劉琮 (劉表之子)。想搵其他都叫劉琮,睇吓「劉琮 (搞清楚)」。
劉琮
新刊校正古本大字音释三国志通俗演义 明万历十九年书林周曰校刊本 081.jpg
荊州牧
前任劉表
繼任
私人明細
劉表
蔡夫人
出世2世紀
過世3世紀

劉琮2世紀3世紀),表字不詳,山陽郡高平縣(即依家山東省濟寧市魚台縣)人,係荊州牧劉表嘅二仔。劉表同老婆都好鍾意劉琮,因此諗住立劉琮為繼承人。劉表嘅舅仔蔡瑁同埋外甥張允都好支持劉琮,佢哋叫劉表將大仔劉琦外放做江夏太守,之後又叫劉表立劉琮為繼承人,劉琦同劉琮嘅關係因此而變差[1]。建安十三年(208年),劉表病重,劉琦立即從江夏趕返嚟探望,蔡瑁、張允等人知道劉琦好孝順。驚劉表將個位傳畀佢,於是佢哋阻住劉琦,唔畀佢同劉表見面,劉琦只好返去江夏[2]。劉表死後,劉琮繼承佢嘅官爵。劉琮將侯印送畀劉琦嚟拉攏佢,劉琦因為之前單嘢而將嗰印落地度[3]。嗰時曹操大軍南下,劉琮原本仲諗住抵抗,但喺傅巽等人嘅勸說下選擇向曹操投降[4]。曹操封佢做青州刺史,之後又表佢做諫議大夫,參同軍事[5][6]

參攷[編輯]

引用[編輯]

  1. 《三國志·魏書六·董二袁劉傳》:初,表及妻愛少子琮,欲以爲後,而蔡瑁、張允爲之支黨,乃出長子琦爲江夏太守,衆遂奉琮爲嗣。琦與琮遂爲讎隙。
  2. 《典論》:表疾病,琦還省疾。琦性慈孝,瑁、允恐琦見表,父子相感,更有託後之意,謂曰:「將軍命君撫臨江夏,爲國東藩,其任至重;今釋衆而來,必見譴怒,傷親之歡心以增其疾,非孝敬也。」遂遏于戶外,使不得見,琦流涕而去。
  3. 《後漢書·卷七十四·袁紹劉表列傳》:琮以侯印授琦。琦怒,投之地,將因奔喪作難。
  4. 《三國志·魏書六·董二袁劉傳》:越、嵩及東曹掾傅巽等說琮歸太祖,琮曰:「今與諸君據全楚之地,守先君之業,以觀天下,何爲不可乎?」巽對曰:「逆順有大體,彊弱有定勢。以人臣而拒人主,逆也;以新造之楚而禦國家,其勢弗當也;以劉備而敵曹公,又弗當也。三者皆短,欲以抗王兵之鋒,必亡之道也。將軍自料何與劉備?」琮曰:「吾不若也。」巽曰:「誠以劉備不足禦曹公乎,則雖保楚之地,不足以自存也;誠以劉備足禦曹公乎,則備不爲將軍下也。願將軍勿疑。」太祖軍到襄陽,琮舉州降。
  5. 《三國志·魏書六·董二袁劉傳》:太祖以琮爲青州刺史、封列侯。
  6. 《魏武故事》:表琮爲諫議大夫,參同軍事。