太守（守讀秀）、守或者郡守，係中國古代官職。戰國諸侯國邊區開郡，個軍政阿頭就叫郡守或者守。後尾郡變成全國行政分區，成為地方官。漢時改叫太守。大郡先有守，細郡就有尉[1]。
周各諸侯國喺自己軍事邊區開郡，有軍政權力，負責官員叫守或者郡守。秦國出名治水嘅李冰，就做過蜀郡嘅郡守。
秦併六國，廢封建。喺全國開卅六郡，置郡守，由皇帝直接任免。
漢時改叫郡守做太守，秩(人工)二千石。太守地位好高，往往入朝做公卿。而三公九卿罷政，好多出去做太守。黃巾之亂，軍事權力下放，郡上開多層州。由州牧或者州刺史統領多郡，太守就變成州牧或州刺史嘅下官。
隋朝廢郡，以州領縣，廢郡太守，留州刺史。
