李冰

  提示：呢篇文講嘅唔係李冰冰。

李冰石像

李冰係戰國時代秦國好出名嘅水利工程專家，擔任蜀郡郡守嗰陣，同佢個仔（二郎）一齊起咗都江堰，得到鄉民嘅敬仰，經歷代追贈，大清光緒期間李冰被封做「通佑顯惠襄護王」。

一生

秦昭王五十一年（前256年）左右升做蜀郡守。佢同佢個仔主持設計重起咗喺成都北部嘅都江堰，通洪水又得，灌溉又得，為成都平原做天府之國奠定咗非常重要嘅基礎。佢喺蜀郡重主持興辦咗其他水利工程，又修築橋梁，喺廣都主持開鑿鹽井等，為開發成都平原、發展農業生產做咗重大貢獻。佢亦都修築咗一條連接中原、四川同雲南嘅五尺道。

傳說

傳說二郎神嘅形象係參考佢個仔李二郎嘅。