龐統

出自維基百科,自由嘅百科全書
跳去: 定向搵嘢
龐統
PangTong.jpg
蜀漢 官員、軍師
勢力 孫權劉備
179年
荊州襄陽郡
(而家湖北襄陽
214年
益州廣漢郡雒縣
(而家四川廣漢
活躍時期 196年~214年
仔女 龐宏
遞啲名
士元
諡號 靖侯
其他名 鳳雛(號)

追賜爵位:關內侯

龐統粵拼pong4 tung2179年214年[註 1]),字士元si6 jyun4),號鳳雛fung6 co4),東漢末年、三國時代嘅荊州襄陽人(而家湖北襄陽),原本係名將周瑜嘅南郡功曹,後尾變成咗劉備嘅謀士、重臣。後世人經常評龐統話佢嘅才能及得上同時間嘅諸葛孔明

佢喺打劉璋時中而死。歷任耒陽令、治中從事,官至到軍師中郎將;死咗追賜關內侯。

細個時[編輯]

龐統士元,荊州南郡襄陽縣人(而家湖北襄陽)。

龐統同諸葛亮有姻親關係。當佢兩個細時,諸葛亮嘅細姐嫁咗畀龐山民,龐山民係龐統嘅堂兄弟[1]。主婚人係名士龐德公,佢係龐山民嘅老豆、龐統嘅叔伯。

龐統大諸葛亮兩歲。佢兩個經常放埋一齊對比,當中諸葛亮講嘢慎重,而龐統坦率樸直,兩個人嘅性格啱好相反[2]。由於龐統魯樸遲鈍,多數人望佢係尋常人,得龐德公曉佢係份料,好睇重佢。

聽聞名士司馬徽好識睇人,龐統就去搵着佢。兩個見面時,司馬徽喺樹上摘緊桑葉,龐統於是坐喺樹下傾偈問答,結果兩個人自朝早談論到夜晚。司馬徽認出佢嘅才能,極力讚佢[3]。自此龐統嘅名聲逐漸浮顯。龐德公睇好佢同諸葛亮,爲佢兩個起名號,龐統起嘅號係鳳雛,諸葛亮起嘅號係臥龍。

事蹟[編輯]

喺郡度聽到龐統嘅名聲,就任命佢做南郡功曹。

赤壁之戰後(208年),東吳將領周瑜帶軍打江陵,自曹仁手中佔得南郡(209年),得到孫權封佢做南郡太守。龐統繼續任職功曹,未得周瑜留意到。

210年,周瑜過世。龐統到吳郡弔喪。東吳人聽聞過佢嘅名,於是佢返荊州(南郡)時,幾多名士齊集喺昌門餞行。

劉備從孫權度借到江陵、南郡做根據地,稱爲「借荊州」。龐統畀劉備任命做從事,試下畀權佢做耒陽縣令。喺在任過程中,龐統唔注重處理公務,搞到被革職[4]

東吳呢邊繼任周瑜嘅將領係魯肅,佢寫信畀劉備薦舉龐統,話唔應該喺啲細職細務度用佢。諸葛亮亦噉同劉備護住佢。劉備於是召龐統來,共佢傾偈。談論完後,劉備好服佢,於是任命佢做治中從事,之後無幾耐升佢職位做軍師中郎將,同諸葛亮同級。

211年,劉璋喺益州畀喺漢中嘅張魯威脅,想請劉備入來幫手。劉璋手下張松法正想因此秘密聯結劉備,幫佢喺西川做主人。劉備猶豫不決。龐統於是出力說服劉備聽法正條計[5]。最後劉備聽咗佢嘅提議,嗌關羽、諸葛亮留喺荊州,帶龐統共將領黃忠魏延入益州。

劉璋出來喺涪城接劉備。龐統勸佢捉咗劉璋來做威脅,然後去佔咗益州,噉樣避免用到武力,不過劉備唔聽,因爲佢喺本地人中未有威信。

喺供應糧草、軍備畀劉備後,劉璋返成都,交畀劉備去打張魯。劉備有超過三萬人軍隊喺手[5],車具充足,佢聽龐統條計唔去打張魯住,先留喺葭萌同民衆搞好關係。

過咗一年到212年尾,喺成都幫劉備做內應嘅張松露咗馬腳,畀劉璋捉住殺咗,自此劉璋同劉備正式反目成仇[6]。劉璋停止供應糧草畀劉備。龐統睇到咗行動嘅時候,於是攞出三條計畀劉備揀[7]

私底下揀精兵,日夜行軍,襲擊入成都。劉璋唔曉軍事,又唔防備人,似噉樣可以喺一年內攞低益州,係上策。拋出假訊話荊州有事要返去,誘鎮守緊白水嘅西川二將楊懷高沛出來,殺咗佢哋,佔咗佢哋嘅軍兵,然後去打成都,係中策。撤兵返白帝城再等時機行動係下策。

諗咗陣後,劉備揀中策,拋出假訊話荊州畀曹操威脅,要帶兵返去救。果然楊懷同高沛都開心於劉備要帶軍返荊州,唔再威脅益州,於是帶啲隨從去餞別劉備。劉備立即捉住楊懷同高沛殺咗,奪咗二將喺白水嘅軍馬,然後組織進攻,理由係劉璋背信唔再供應糧食。

荊州軍分做兩路去打,好快爭得勝利,佔得涪城。劉璋嘅主力軍撤退,固守喺綿竹城。

213年,劉備指揮張飛趙雲同諸葛亮自荊州帶軍入來助戰,約咗到時兵臨成都城下時,共同會兵去打佔呢座城市。

214年夏天,荊州各支勁旅都得勝。劉備聽到消息話張飛同諸葛亮已經打到成都嘅東面同北面,而趙雲攻破到犍爲,於是共龐統分路進攻雒城。龐統引住支勁軍誘得守城將領張任出咗雒城。張任走出到南面,喺雁橋駐軍。劉備於是切斷張任嘅退路,而龐統引軍去雁橋去打張任。龐統中咗箭而戰死[8]。嗰陣時佢先虛歲36歲。

劉備打敗張任,並且生擒佢。因爲張任唔投降,於是劉備嗌人拖去斬。

喺佔得益州後,劉備諗起龐統嘅功勞,經常提到佢時喊。劉備追贈佢做關內侯,起諡號做靖侯,任命佢老豆做議郎,然後升職做諫議大夫。

喺三國演義[編輯]

龐統畀羅貫中喺《三國演義》描寫成「濃、凸、黑、短、型容好醜嘅人」。司馬徽考察過龐統後,講出如下認定佢嘅話:「臥龍(即孔明)或鳳雛(即龐統),如果得到兩個人中一個,就可以平定得天下。」

初頭,龐統喺江南跟孫權。喺赤壁之戰時,佢曾經受周瑜委託,去獻計畀曹操,嗌佢用將各隻綁成一排,來防止士兵暈船,但實質係令啲船唔散開,方便去火攻。由於龐統嘅功勞,當周瑜使用火攻時,曹操嘅船集中成一嚿,令佢哋走唔甩,都燒曬。

喺周瑜死後,魯肅薦舉龐統畀孫權,但龐統唔得孫權重用,於是去荊州劉備

龐統作爲軍師共劉備引軍五萬入西川。龐統共法正出計謀畀劉備,要佢請劉璋入席,喺會上趁機殺咗劉璋,然後佔咗西川,不過劉備話噉嘅行動係不仁,於是無噉做。龐統嗌魏延間出來舞,然後刺殺劉璋,但畀劉備撳住趕咗出去。

到劉備同劉璋正式反面對打時,龐統出計畀劉備殺咗劉璋嘅兩個將領高沛同楊懷,奪咗涪關,進攻雒城。

由於要提高諸葛亮嘅形象,羅貫中虛構咗雒城場仗。喺龐統進軍前,孔明已經寄信警報咪做,不過龐統覺得孔明係妒忌佢自己,於是唔聽孔明同劉備嘅話。到行軍時,龐統嘅馬眼花,企唔穩,撉(dan3)龐統佢落馬。劉備睇到噉,將佢自己騎緊嘅白馬換咗畀龐統。龐統由於主觀上輕敵,令佢入咗張任嘅埋伏,呢個西蜀將領令龐統連人帶馬死喺落鳳坡之下。

喺佢死後,諸葛亮先至揮軍入益州,用計捉張任爲龐統報仇。史實上超過龐統死之前半年,諸葛亮同張飛嘅勁旅就已經喺益州共劉備同龐統配合作戰。劉備同龐統領軍獨立作戰,喺雒城打敗兼捉到張任,龐統因此暴露喺陣前中箭而過世[9]

睇埋[編輯]

[編輯]

  1. 根據《三國志》嘅記載,龐統死喺圍攻雒縣嗰年,即西元214年。《三國志》記話佢死時三十六歲(虛歲),所以可以得出佢出世喺西元179年。

[編輯]

  1. 據陳文德《孔明諸葛亮大傳》第26、52頁。
  2. 據陳文德《孔明諸葛亮大傳》第53頁。
  3. 據鄭福田、可永決、楊號春《中華古代將帥》第631頁。
  4. 據鄭福田、可永決、楊號春《中華古代將帥》第634頁。
  5. 5.0 5.1 據鄭福田、可永決、楊號春《中華古代將帥》第636頁。
  6. 據黎東方《細說三國》第248頁。
  7. 據鄭福田、可永決、楊號春《中華古代將帥》第637頁。
  8. 據陳文德《孔明諸葛亮大傳》第254頁。
  9. 據陳文德《孔明諸葛亮大傳》第255頁。

參攷資料[編輯]

  • 陳壽(著);裴松之(注). "蜀書:龐統法正傳 - 龐統傳". 《三國志》. 
  • Trần Văn Đức(字未定,僅參攷:陳文德) (2008年). Khổng Minh Gia Cát Lượng đại truyện(孔明諸葛亮大傳) (用越南文寫). 文學出版社(Nhà xuất bản Văn học家出版文學). 
  • Trịnh Phúc Điền, Khả Vĩnh Quyết, Dương Hiệu Xuân(字未定,僅參攷:鄭福田、可永決、楊號春) (2006年). "卷一". Tướng soái cổ đại Trung Hoa(漢喃:將帥古代中華;中譯:中華古代將帥) (用越南文寫). 青年出版社(Nhà xuất bản Thanh niên家出版青年). 
  • 黎東方 (2003年). 《細說三國》. 上海人民出版社. 
  • 黎東方、王子今 (2002年). 《細說秦漢》. 上海人民出版社. 
  • 易中天 (2006年). 《品三國》. 上海文藝出版社.