李典

出自維基百科,自由嘅百科全書
Jump to navigation Jump to search

李典粵拼lei5 din2),字曼成maan6 sing4山陽鉅野人,佢嘅老豆喺李乾,有個仔叫李禎。做將領好有儒風,好學問,鍾意睇唔同嘅書,唔會同其他武將爭功,尊敬啲賢士大夫,軍營裡面啲人稱佢做長者。

生平[編輯]

同老豆效力[編輯]

開頭同老豆李乾跟住曹操襲擊黃巾軍,喺壽張打敗黃巾軍。又參加征討袁術、攻打徐州呢啲戰役。佢老豆喺呂布別駕薛蘭、治中李封嘅招降下拒絕,俾佢哋殺害。李乾個仔李整帶領佢嘅兵馬,破薛蘭、李封佢哋,後嚟去世,封李典做穎陰令,中郎將,後嚟轉移做離狐太守。

攻打袁氏[編輯]

官渡之戰嗰陣李典負責押運糧草。袁紹輸咗之後,升做裨將軍。曹操攻擊袁尚袁譚嗰陣李典同程昱負責押運糧草。袁尚嘅部下高蕃屯兵喺河上阻住曹軍用水道運糧,李典睇到高蕃輕敵,同程昱過河將佢擊敗。建安九年(204年),參與圍攻城。建安十年(205年),同樂進壺關圍攻高幹。建安十一年(206年),喺長廣打底管承。封做捕虜將軍都亭侯

抵抗劉備[編輯]

建安七年(202年),劉表劉備北侵,夏侯惇帶領兵馬,劉備退兵誘敵,俾李典睇穿,但冇俾夏侯惇接納。夏侯惇于禁進攻,俾劉備伏擊,但劉備又俾喺度留守嘅李典擊退。

幫合肥解脫危境[編輯]

建安十四年(209年),李典同張遼樂進駐守合肥。建安二十年(215年),孫權帶兵包圍合肥,李典唔計私嫌同張遼一齊打倒孫權,威震逍遙津,幫合肥解脫危境。冇幾耐病逝,享年三十六歲,諡〔愍侯〕。

參考文獻[編輯]