馬謖
馬謖（190年—228年），字幼常，荊州襄陽宜城（今湖北宜城）人。係「馬氏五常」最細嘅。
一生[編輯]
佢後生同佢阿哥馬良出名，一開始喺荊州從事，同劉備嘅軍隊入蜀。馬謖做過綿竹令、成都令、越雋太守，佢才能同才氣叻過人，被諸葛亮睇得起，佢鍾意傾軍事計劃。《三國志》好多次話諸葛亮睇重佢。
佢雖然識軍法但係佢冇實際打仗過，劉備駕崩之前話佢：「馬謖講嘅話大過佢才能，唔得畀佢做重任，要好好睇住佢。」諸葛亮唔認同，畀馬謖做參軍，成日同佢軍議。諸葛亮討伐孟獲嗰陣，馬謖建議諸葛亮心理作戰，諸葛亮用得咗，南中直至蜀漢滅亡都冇大戰。
失街亭[編輯]
228年諸葛亮去祁山嗰陣，佢哋一致贊同唔用宿將魏延同吳懿，建議用馬謖去街亭布陣。但係馬謖布陣唔聽諸葛亮嘅指示，佢嘅副將王平勸佢都唔聽，馬謖話宜家高高在上可以衝擊佢哋，就攞水去山上布陣。呢事被魏將張郃睇到好高興，帶兵斷咗佢嘅水源，包圍馬謖佢哋，放火燒山。呢時馬謖佢哋好肚餓，冇心作戰，全部都亂嗮。當時蜀軍只有放棄隴西三郡，退守漢中。
《三國志·向朗傳》話馬謖同向朗關係好，馬謖自己走佬嗰陣唔話畀諸葛亮知，當時向朗亦係一樣。馬謖被拉去監禁嗰陣，諸葛亮覺得自己有失自律，向朝廷要求自己貶職三級。斬馬謖同佢將軍張休、李盛嚟同全部人道歉，剝咗將軍黃襲等人嘅兵權。呢事《三國志》作者陳壽嘅阿爸因為呢事被髡刑，諸葛亮憎向朗包庇馬謖，畀向朗辭官返成都（《三國志·馬謖傳》話馬謖嗰陣病死）。
被處死[編輯]
《襄陽記》話馬謖死之前寫畀諸葛亮：「明公您視馬謖好似自己嘅仔咁，馬謖亦都當您係老竇，希望您可以好似堯殺鯀而重用禹嘅義，都唔會毀咗我哋嘅關係，我馬謖雖然死咗都唔後悔入黃泉。」馬謖死嗰陣，軍中十萬人落淚，諸葛亮都係喊，親自拜佢，照顧佢嘅仔女一生。
當時蔣琬喺漢中向諸葛亮講：「以前楚文王殺咗成得臣，晉文公聽到好高興，未統一天下就殺咗咁聰明有謀略嘅策士，點解一啲都唔覺得可惜啊？」諸葛亮流淚反駁：「孫武當時得勝過天下人嘅原因，就係用法明確。當時揚干亂咗法律，魏絳就殺咗佢嘅僕人。宜家四海分裂，啱啱開始出兵打仗，如果宜家仲恢復嗰啲廢法，我哋仲用嚟討賊（曹魏）做咩啊！」
家族[編輯]
參考[編輯]
- 《三國志‧馬謖傳》
- 《三國志人物事典》