孫武

出自維基百科,自由嘅百科全書
孫武

孫武前535年—?),尊稱孫子,係中國春秋時代將軍同兵學家,以《孫子兵法》名聞於世。喺齊國出世,曾經助吳國稱霸。

生平[編輯]

孫子係山東人,屋企係齊國貴族。後生嗰陣孫子成日都讀兵書。十八歲就離開咗齊國,去到吳國,畀吳王闔閭起用。

當時吳王闔閭成日都諗住打楚國,孫子採取咗「疲楚誤楚」策略,不停咁騷擾楚國六年,令到楚國以為吳國只係騷擾佢哋,而唔係進攻佢哋,放鬆咗警惕。無耐孫子只係派出咗3500個士兵,就攞到楚國三個根據地。其後吳國五戰五勝,吳國淨係用幾萬人,就打贏咗楚國二十萬人。楚國死咗十幾萬人,楚國國王重因為咁而逃亡。吳國從此威震中原。

吳國後來因為秦國嘅干預,被逼由楚國撤軍,但已經使到楚國元氣大傷。公元前496年,吳王闔閭唔理會孫子勸阻,再一次出兵攻打復咗國嘅越國,結果打輸咗,闔閭激到病死。孫子幫新吳王夫差治國練兵,唔但只最後成功報咗仇,夫差重北上稱霸,喺黃池大會諸侯。

晚年孫子寫咗《孫子兵法》。呢本書對後世影響好大,好多軍事知識都係出自孫子。

著作[編輯]

  • 《孫子兵法》