楚 (周)

春秋諸侯分佈圖。可以見到楚國佔據住長江中游一帶，亦即係湖北一帶。

楚（粵拼：co2），又叫楚國、荊、荊楚，響今日中國境內，係周代一諸侯國。楚君主姓羋，熊氏。最早喺古荊州之地嘅楚部落興起，春秋時係諸侯，戰國時代就係戰國七雄之一，前223年俾秦國滅咗。

領地大致係家下成個湖南、湖北，同埋上海、重慶、浙江、江蘇、山東、貴州、雲南、江西部分地方。

楚國歷經800年，由立國第330年開始實質上係楚王庭佮荊蠻合併成國，實力正得到增強到得爭霸嘅程度，所以個年都得着認爲係元年。