鮑信

出自維基百科,自由嘅百科全書
跳去: 定向搵嘢
鮑信
東漢 武將
152年
192年
壽張
活躍時期 189年~192年
遞啲名

鮑信粵拼baau1 seon3152年192年),泰山平陽人(而家山東新泰),係東漢時嘅武將。

喺《三國演義》(嘉靖本)當中,鮑信有表字做允誠wan5 sing4),不過呢個係小說內容,無史料證實。

細個時[編輯]

鮑信係鮑宣嘅八世孫,而鮑宣做官到漢朝嘅司隸校尉。鮑宣嘅後人中有從上黨搬去泰山嘅,鮑信就係呢支人。鮑信嘅老豆係鮑丹,當時係名人,以儒雅出名。而鮑丹亦做官到東漢嘅職位少府侍中。

鮑信細個時就有大氣節,爲人寬厚仁愛,做嘢深沈果決有計謀。鮑信屋企嘅家風本身就重儒,佢自己亦修身勤儉至極。

事蹟[編輯]

鮑信畀大將軍何進封做騎都尉,派佢返本郡募兵。當時何進作爲外戚做緊漢少帝嘅輔政。鮑信喺令下募得超過一千人,不過等佢帶啲人返到成皋時,何進已經畀宦官殺害。鮑信到咗京都洛陽董卓亦喺呢時到達。佢知董卓必定作亂,勸袁紹攻打董卓,不過袁紹驚咗董卓唔敢發動。

董卓操縱朝廷,廢少帝立獻帝。鮑信於是引軍返鄉下,集合力量抗擊。佢厚待將士,喺屋企無乜剩餘,啲人士因爲呢樣歸服佢。佢返鄉收得兩萬人、700騎兵、超過五千具輜重。190年,董卓討伐戰爆發,曹操喺己吾開始起兵,鮑信同佢細佬鮑韜投兵響應曹操。

曹操同袁紹表封鮑信做行破虜將軍,鮑韜做裨將軍。嗰陣時袁紹力量最多,啲豪傑多數向住袁氏。不過,鮑信同曹操講:

「有智略嘅人唔多見,能夠收歸英雄去平息禍亂、復歸正道嘅人,就係爲人君。如果個人做唔到呢啲,佢再強猛亦必定失敗。爲人君者只會等天機啓發行動!」

於是佢同曹操交結得好深,曹操亦同佢親到唔似其他常人。

鮑信同曹操一齊參加打董卓,喺汴水一戰失敗,鮑信受傷,鮑韜喺戰場戰死。

之後打董卓嘅軍閥分化混戰,袁紹劫奪韓馥嘅州牧職位,然後佔據冀州。鮑信同曹操講:

「啲奸臣利用機會,顛覆王室,英雄豪傑出來對抗,天下人紛紛響應,呢個就係義。而家袁紹做盟主,又利用權力牟私利,喺將來又會發生變亂,噉係又一個董卓嗟。如果我哋阻止佢,靠我哋嘅力係剋制唔到嘅,我哋只會攞來衰,噉我哋仲點救世呢?我哋暫時喺大河南邊劃地頭,來等佢哋生變。」

曹操讚佢條計。之後曹操做東郡太守,表封鮑信做濟北相。192年,黃巾大軍侵入兗州地界,兗州牧劉岱中文劉岱想同佢哋交戰。鮑信阻佢,勸話敵方重咁猛唔好同佢對頭。劉岱唔聽,之後失敗兼戰死。

鮑信同各人推尊曹操代替劉岱做兗州牧。曹操睇黃巾軍贏得咁多會生驕,想派奇兵誘佢哋出來,喺壽張打過。首先曹操同鮑信一齊行出戰地,之後步兵未到,又突然遇到黃巾軍,於是接戰。鮑信決心殊死交戰,來救曹操。結果黃巾軍嘅包圍被破,曹操因此脫出得,但鮑信陷喺陣度戰死。

鮑信嗰年先41歲(虛歲)。212年,曹操追錄鮑信嘅功勞,於是表封佢嘅大仔鮑邵爵位做新都亭侯。鮑信嘅次仔鮑勳後來變成曹魏嘅大臣。

睇埋[編輯]

參攷資料[編輯]

  • 陳壽(著);裴松之(注). "卷十二 - 魏書:崔毛徐何邢鮑司馬傳". 《三國志》. 勳父信,靈帝時為騎都尉,大將軍何進遣東募兵。後為濟北相,協規太祖,身以遇害。語在董卓傳、武帝紀。〈魏書曰:信父丹,官至少府侍中,世以儒雅顯。少有大節,寬厚愛人,沈毅有謀。大將軍何進辟拜騎都尉,遣歸募兵,得千餘人,還到成皋而進已遇害。信至京師,董卓亦始到。信知卓必為亂,勸袁紹襲卓,紹畏卓不敢發。語在紹傳。信乃引軍還鄉里,收徒眾二萬,騎七百,輜重五千餘乘。是歲,太祖始起兵於己吾,信與弟韜以兵應太祖。太祖與袁紹表信行破虜將軍,韜裨將軍。時紹眾最盛,豪傑多向之。信獨謂太祖曰:「夫略不世出,能總英雄以撥亂反正者,君也。苟非其人,雖強必斃。君殆天之所啟!」遂深自結納,太祖亦親異焉。汴水之敗,信被瘡,韜在陳戰亡。紹劫奪韓馥位,遂據冀州。信言於太祖曰:「奸臣乘釁,盪覆王室,英雄奮節,天下鄉應者,義也。今紹為盟主,因權專利,將自生亂,是復有一卓也。若抑之,則力不能制,祗以遘難,又何能濟?且可規大河之南,以待其變。」太祖善之。太祖為東郡太守,表信為濟北相。會黃巾大眾入州界,劉岱欲與戰,信止之,岱不從,遂敗。語在武紀。太祖以賊恃勝而驕,欲設奇兵挑擊之於壽張。先與信出行戰地,後步軍未至,而卒與賊遇,遂接戰。信殊死戰,以救太祖,太祖僅得潰圍出,信遂沒,時年四十一。雖遭亂起兵,家本修儒,治身至儉,而厚養將士,居無餘財,士以此歸之。〉 
  • 陳壽(著);裴松之(注). "卷一 - 魏書:武帝紀". 《三國志》. 初平元年春正月……濟北相鮑信〈信事見子勳傳。〉同時俱起兵,眾各數萬,推紹為盟主。……三年春……青州黃巾眾百萬入兗州,殺任城相鄭遂,轉入東平。劉岱欲擊之,鮑信諫曰:「今賊眾百萬,百姓皆震恐,士卒無鬥志,不可敵也。觀賊眾群輩相隨,軍無輜重,唯以鈔略為資,今不若畜士眾之力,先為固守。彼欲戰不得,攻又不能,其勢必離散,後選精銳,據其要害,擊之可破也。」岱不從,遂與戰,果為所殺。……信乃與州吏萬潛等至東郡迎太祖領兗州牧。遂進兵擊黃巾於壽張東。信力戰鬥死,僅而破之。〈魏書曰:太祖將步騎千餘人,行視戰地,卒抵賊營,戰不利,死者數百人,引還。賊尋前進。黃巾為賊久,數乘勝,兵皆精悍。太祖舊兵少,新兵不習練,舉軍皆懼。太祖被甲嬰胄,親巡將士,明勸賞罰,眾乃復奮,承間討擊,賊稍折退。賊乃移書太祖曰:「昔在濟南,毀壞神壇,其道乃與中黃太乙同,似若知道,今更迷惑。漢行已盡,黃家當立。天之大運,非君才力所能存也。」太祖見檄書,呵罵之,數開示降路;遂設奇伏,晝夜會戰,戰輒禽獲,賊乃退走。〉購求信喪不得,眾乃刻木如信形狀,祭而哭焉。 
  • 陳壽(著);裴松之(注). "卷六 - 魏書:董二袁劉傳". 《三國志》. 先是,進遣騎都尉太山鮑信所在募兵,適至,信謂紹曰:「卓擁強兵,有異志,今不早圖,將為所制;及其初至疲勞,襲之可禽也。」紹畏卓,不敢發,信遂還鄉里。 
  • 范曄、司馬彪. "卷七十四上:袁紹劉表列傳". 《後漢書》. 及卓將兵至,騎都尉太山鮑信說紹曰:[一]「董卓擁制強兵,將有異志,今不早圖,必為所制。及其新至疲勞,襲之可禽也。」紹畏卓,不敢發。……注[一]魏書曰:「信,太山*(陽)*平*[陽]*人也。少有大節,寬厚愛人,沉毅有謀。說紹不從,乃引軍還鄉里。」……初平元年,紹遂以勃海起兵…濟北相鮑信等同時俱起,觿各數萬,以討卓為名。