士仁

出自維基百科,自由嘅百科全書
跳去導覽 跳去搵嘢

士仁(?—?),字君義,一係叫傅士仁幽州廣陽人(家下北京市),漢末三國劉備孫權嘅手下。史書一嚟都記佢姓,但係《三國志·蜀志·關羽傳》有一個地方寫成「傅士仁」,《三國演義》同《資治通鑑》一點章節亦都係話「傅士仁」,但學者多認為係史書傳鈔嗰陣過程謬誤。

生平[編輯]

士仁原本係蜀將,任公安太守,喺嗰度駐紮,但係佢跟麋芳關羽唔啱牙,常日諗關羽輕視佢哋。樊城之戰嗰陣,麋芳同士仁佢哋畀唔夠軍需,關羽話返嚟要罰佢哋,佢哋聽到好驚。

關羽去樊城圍攻曹仁嗰陣,孫權趁呢嗰機會派呂蒙去荊州,派虞翻勸降士仁,士仁原本係守城唔出嚟,拒絕見虞翻。虞翻寫信畀士仁,話畀士仁吳軍可以咁輕易兵臨公安、一路上冇被斥候察覺、冇烽火警訊,噉係因為吳軍早有內應,宜家呂蒙將逕取南郡,士仁獨守孤城,要進退都唔得。士仁讀過信之後,感動到流淚投降。呂蒙派兵接管公安,帶著士仁畀麋芳睇,麋芳睇到就開城投降。

藝術形象[編輯]

喺小說《三國演義》嗰度嘅名係叫傅士仁。傅士仁慫麋芳降吳,畀呂蒙落嚟攞荊州,令關羽無後退之路,間接害佢兵敗將亡。之後夷陵之戰嗰陣,劉備大軍征吳,傅士仁同麋芳亦都係佢嘅復仇目標,蜀軍贏咗好多,聲勢大振嗰陣,兩人聽話軍心有變,知道有軍士打算殺咗佢哋二人,於是就同麋芳殺死吳將馬忠,攞佢嘅頭返來投蜀,希望可以被原諒,劉備嬲到叫關興除咗麋芳、傅士仁二人嘅身,麋芳、傅士仁跪地關羽祭靈前,佢哋畀劉備親手用刀殺死攞去拜祭關羽。

評價[編輯]

  • 楊戲話麋芳、士仁、潘濬郝普:「古之奔臣,禮有來逼,怨興司官,不顧大德。靡有匡救,倍成奔北,自絕於人,作笑二國。」(《三國志·鄧張宗楊傳第十五》)
  • 李贄:「傅士仁真反也,罪不容誅。」「若傅士仁,孟達,則反國之賊也,罪不容誅矣。」(匯評三國志演義)