麋芳

出自維基百科,自由嘅百科全書
跳去導覽 跳去搵嘢

麋芳,字子方,東海郡胊縣(家下江蘇連雲港)人。本隸屬陶謙,後來同阿哥麋竺投靠劉備,後來再投降

一生[編輯]

原本係徐州彭城相,之後辭官同佢阿哥麋竺同劉備做嘢。劉備入荊之後升任南郡太守同駐守江陵,同關羽共事,不過兩人私情唔啱。麋芳曾經因為南郡郡治失火,兵器被焚燒,激嬲關羽,麋芳同公安太守士仁常日諗關羽輕視自己,孫權知後就同麋芳勾結,麋芳暗中同孫吳來往。

樊城之戰嗰陣,麋芳同士仁佢哋畀唔夠軍需,關羽話返來要罰佢哋,佢哋聽到好驚。關羽去樊城圍攻曹仁嗰陣,孫權趁呢嗰機會派呂蒙去荊州,派虞翻成功勸降士仁,攞咗公安,領士仁進攻南郡郡治,麋芳睇到士仁成咗吳將之後開城投降[1],成咗孫權嘅部將。

麋芳投降嗰陣,呂蒙因為簡單攞到江陵仲放鬆戒心,但係虞翻告畀呂蒙,江陵城中得麋芳同吳軍係一心嘅,其他人仲有疑嘅,呂蒙醒返咗,及時掌控城內重地,畀原本伏擊嘅人唔得搞好埋伏。

麋芳去東吳之後,有一次乘船同虞翻見面,前導人員怒要虞翻行開「避將軍船」,虞翻怒:「唔忠唔信嘅人點侍奉君主?害人哋失咗兩城嗰人得做將軍?」麋芳驚就唔答,閂門走開咗。又一次,虞翻要經過麋芳嘅營寨,結果營門閂咗唔畀虞翻通行,虞翻仲怒:「應該閂門嗰陣就開門、該開門嗰陣就閂門,咁做係得嘅?」麋芳聽講之後覺得好論息。

黃武二年(223年)六月,同賀齊去討伐叛吳投魏嘅晉宗。以後冇麋芳嘅記載。

藝術形象[編輯]

喺《三國演義》係叫芳,同阿哥麋竺仕徐州牧陶謙,之後一齊投靠劉備。長坂坡之戰嗰陣受重傷,仲以為趙雲投曹,將呢事報畀劉備。劉備平咗益州後,任佢做南郡太守同關羽共事。之後同傅士仁飲酒畀軍糧失火激嬲關羽,以致傅士仁、麋芳驚關羽,之後呂蒙襲擊荊州城嗰陣投吳。夷陵之戰嗰陣,同傅士仁殺死吳將馬忠返來投蜀,劉備怒到叫關興除咗麋芳、傅士仁二人嘅身,麋芳、傅士仁跪地關羽祭靈前,佢哋畀劉備親手用刀殺死攞去祭拜關羽。

屋企[編輯]

  • 麋竺,麋芳阿哥,蜀漢官吏。
  • 麋夫人,麋芳個妹。劉備落難嗰陣被麋竺嫁畀劉備。

評語[編輯]

楊戲嘅《季漢輔臣贊》贊麋芳、士仁、郝普潘濬:「古之奔臣,禮有來偪,怨興司官,不顧大德。靡有匡救,倍成奔北,自絕於人,作笑二國。」

註解[編輯]

  1. 《三國志·呂蒙傳》註引《吳歷》:初,南郡城中失火,頗焚燒軍器。羽以責芳,芳內畏懼,權聞而誘之,芳潛相和。及蒙攻之,乃以牛酒出降。

參考[編輯]

  • 《三國志‧蜀書‧麋竺傳》
  • 《三國志‧蜀書‧關羽傳》
  • 《三國志‧蜀書‧楊戲傳》
  • 《三國志‧吳書‧虞翻傳》
  • 《三國志註》