吳景

出自維基百科,自由嘅百科全書
Jump to navigation Jump to search

吳景(—203年),東吳孫堅嘅舅仔,佢家姐吳夫人係孫策孫權嘅阿媽。

生平[編輯]

吳景曾跟隨孫堅征伐有功,受騎都尉。袁術上表吳景做丹楊太守,同討伐前丹楊太守周昕,於是吳景佔領咗丹楊。孫策、孫河呂范聽吳景建議,合力大破涇縣嘅賊帥祖郎。吳景曾經被劉繇逼迫,往北投靠袁術。袁術用佢為督軍中郎將,與孫賁喺於橫江討伐樊能於糜,又喺秣陵擊敗笮融薛禮。當孫策喺牛渚作戰受傷時,又遇降兵造反時,幸好得吳景平定同擒下降兵。吳景跟隨孫策討伐劉繇,劉繇打敗逃去豫章,佢奉孫策之命去袁術處報訊。袁術同劉備爭奪徐州嘅時候,任命吳景做廣陵太守。

袁術後來僭越稱帝時,孫策曾寫信畀袁術,勸佢唔好咁做,但係袁術冇理佢,兩人於是唔再往來,孫策揾人通知吳景。吳景於是返回東吳,孫策仍然叫佢做丹楊太守。東漢朝廷派遣使者到來,頒佢做揚武將軍,仍舊領有丹楊。

子女[編輯]

吳景死喺建安八年(203年),佢兩個仔吳奮封新亭候、吳祺封都亭侯。

參考文獻[編輯]