劉纘

劉纘（138年—146年7月26號），係東漢第十位皇帝，145年到146年在位，跟諡號叫漢質帝。

生平

劉纘係勃海孝王劉鴻個仔。

145年，得一兩歲度嘅漢沖帝過身。梁太后（漢順帝皇后）同佢阿哥大將軍梁冀擁立得7歲度嘅劉纘做皇帝，就係漢質帝。

146年開始用「本初」年號。

質帝雖然好細個，但係都知道梁冀唔係好人。質帝喺一次朝會度，望住梁冀話：「此跋扈將軍也！」之後梁冀搵人喺質帝食嘅餅度落毒，質帝食咗之後死咗，佢臨死之前召太尉李固入嚟，喺梁冀在場之下話自己食餅出事，李固喺質帝過身之後想追究落去，梁冀驚件事穿煲，想鏟除埋李固。（李固最後畀梁冀整死咗。）之後梁冀擁立劉志做皇帝，就係漢桓帝。