黃遵憲

出自維基百科,自由嘅百科全書
Jump to navigation Jump to search

黃遵憲1848年4月27號1905年3月28號[1]),字公度,別號人境廬主人,喺廣東嘉應州出世,客家人晚清詩人、外交官、政治人、教育家。

生平[編輯]

道光二十八年(1848年)4月27號,黃遵憲喺廣東嘉應州(今梅州市梅縣區東區下市角)出世。4歲讀書,10歲學詩。

光緒二年(1876年)中舉人

光緒三年(1877年)隨何如璋東渡出使日本。在任期間,就琉球問題同日本積極交涉。後來佢去美國英國星加坡等地擔任外交官。駐外期間,佢留心觀察所在國嘅事物,認為中國要革新自強,必須效法日本維新變法。佢撰寫《日本國志》,全書共四十卷,五十幾萬字,詳細論述日本變革嘅經過同埋得失,借此提出改革中國嘅主張。

光緒八年(1882年)春,調任駐美國三藩市總領事。當時美國借啲意逮捕大批華僑入獄,黃到監獄探望華僑,叫隨從丈量監獄。美官員冇聲出,唯有釋放華僑。1894年黃回國。

光緒二十一年(1895年),出任湖南按察使,喺巡撫陳寶箴支持下宣傳維新變法。光緒二十四年(1898年)八月,獲任命為出使日本大臣。戊戌變法失敗之後,俾清政府列為「從嚴懲辦」嘅維新亂黨,但由於外國駐華公使等干預,清政府允許黃辭職還鄉。光緒三十一年(1905年)3月28號,黃遵憲喺鄉下病逝,終年58歲。

詩人[編輯]

黃遵憲係「詩界革命」主要人物。佢輯錄咗9首客家民歌,收入《人境廬詩草》。梁啟超話,「近世詩人,能鎔鑄新思想入舊風格者,當推黃公度」,「公度之詩,獨闢境界,卓然自立於二十世紀詩界中,群推為大家」[2]

思想[編輯]

黃遵憲喺1882年(光緒八年)至1885年出任清政府駐美國三藩市總領事,親眼目睹1884年美國總統選舉,點不知噉冇啟迪佢思想革新,反而令佢越來越保守。佢作詩歌《紀事》記載美國總統大選嘅情况同佢嘅感觸,結論係「共和政體萬不能施行於今日之吾國」。[3]

著作[編輯]

  • 《日本雜事詩》二卷
  • 1898年,《日本國志》四十卷,1887年成書,光緒二十四年上海圖書集成印書局出版、浙江書局重刊。
  • 1911年,《人境廬詩草》十一卷(1902年定稿),1911年刊印於日本。
  • 吳振清等編:《黃遵憲集》,天津人民出版社。

參考[編輯]

Wikisource-logo.svg
維基文庫入面呢位作者嘅作品:
  1. 錢仲聯編:《近代詩三百首》,香港:天地圖書,2002年。
  2. 梁啟超:《飲冰室詩話》
  3. "《黄遵宪看美国总统选举:大清国坚决不可学习》" (用中文寫). 凤凰网. 喺2012年1月17日搵到.  檢查日期值喺: |access-date= (詳情)

相關書本[編輯]