唐君毅

唐君毅
出生日	1909年1月17號
出生地	四川
死亡日	1978年2月2號  （69歲）
死亡地	香港浸信會醫院
死因	肺癌
國籍	中華人民共和國
識嘅語言	中文
信奉	儒家
母校	北京大學
職業	哲學家、大學教員
僱主	國立中央大學
[改維基數據]

新亞中學圖書館內唐君毅先生紀念室

唐君毅（1909年1月17號—1978年2月2號），學名毅伯，四川宜賓人。現代思想家、哲學家、教育家，新儒家學派代表人物。佢老師有熊十力、方東美、梁漱溟等。

生平

唐君毅祖籍廣東五華，佢六世祖以歲荒移川。爸爸係唐迪風，本名烺，又叫倜風，字鐵風。媽媽陳大任，字卓仙。佢爸爸曾經跟歐陽竟無學習，所以唐君毅喺佢嘅著作入面叫佢做太老師。唐君毅半歲開始，同埋佢爸爸住喺成都。十二歲半入重慶聯合中學求學，受蒙文通啟迪，對宋明理學產生興趣，其後師從支那內學院之歐陽竟無，研習釋家思想。1925年先後入北平中俄大學、北京大學，1926年轉往國立中央大學哲學系。1932年畢業後返四川任教中學，1937年受聘於華西大學。1940年任教重慶中央大學，自此獻身教育及學術界。

1949年遷居香港（其後曾搬遷合共12次），同埋錢穆、張丕介等人起咗個亞洲文商學院，1950年改名叫新亞書院。

1957年，應美國國務院所邀，赴洋講學。1958年，同徐復觀、張君勱、牟宗三發表《為中國文化敬告世界人士宣言》。

1963年，新亞書院、崇基學院同埋聯合書院合組成香港中文大學，由唐君毅出任新亞書院哲學系講座教授，兼任教務長同哲學系系主任等職，至1974年9月5號後退休。佢喺1968年到1978年擔任新亞研究所所長期間，邀請咗好多學界嘅名人嚟學校主講文化講座，令香港一時間成為咗研究中華文化嘅重鎮；但喺佢嘅任期入面，由於研究所同大學間嘅衝突變得白熱化，新亞研究所就畀大學終止補助，然後脫離咗中文大學，喺後繼無人嘅情況下，令到研究所一蹶不振。1973年新亞中學創辦之後，佢就出任校董會成員。 1975年，任台灣大學哲學系客座教授；同年確診肺癌，雖然經過反覆治療但都係無效，1978年2月2號凌晨喺香港病逝。喺台北觀音山朝陽墓園落葬。

國際哲學界公認佢係「當代新儒家」嘅一位代表人物。2003年四川省宜賓市成立咗「宜賓學院唐君毅研究所」，又建立咗「唐學網」同出版《唐學》嘅集刊，內容欄目包括「生命垂範、唐學通論、體系與方式、哲學與文化、宗教與道德、教育與人文、儒學與時代、君毅眾學、故園文化」等等。

喺2009年嗰陣，唐先生百歲冥壽時中大校園（新亞書院水塔下）為佢樹立咗銅像紀念佢。而喺1988年林聰標教授擔任新亞書院院長嗰陣，亦都提議過將書院入面嘅樂群館冠名做「君毅館」，以對唐先生嘅紀念，但最後畀大學校董會否決。

主要著作

• 《中西哲學思想之比較硏究集》（1943年）
• 《人生之體驗》（1946年）
• 《心物與人生》（1953年）
• 《中國文化之精神價值》（1953年）
• 《人文精神之重建》（1955年）
• 《中國哲學原論》：《導論篇》、《原性篇》、《原道篇》、《原教篇》（1956－1975年）
• 《中國人文精神之發展》（1958年）
• 《文化意識與道德理性》（1958年）
• 《哲學概論》上、下（1961年）
• 《人生之體驗續篇》（1961年）
• 《道德自我之建立》（1963年）
• 《青年與學問》（1973年）
• 《愛情之福音》（1974年）
• 《說中華民族之花果飄零》（1974年）
• 《中華人文與當今世界》（1975年）
• 《生命存在與心靈境界》（1977年）
• 《病裡乾坤》（1980年）
• 《致廷光書》

弟子

• 唐端正
• 李杜
• 黎華標
• 霍韜晦
• 陳特
• 梁燕城
• 岑逸飛
• 李天命
• 冼景炬
• 小思
• 陶國璋
• 林婉儀

睇埋

• 儒家
• 牟宗三
• 新儒家