黑洞

出自維基百科,自由嘅百科全書
室女A星系黑洞

黑洞粵拼hak1 dung6black hole)係一笪重力非常之強嘅時空,強到任何粒子甚至係電磁輻射都走唔甩[1]廣義相對論推測,一個夠密嘅質量可以扭曲時空,形成黑洞。

黑洞係由一個質量相當大嘅天體,喺核聚變能量耗盡死亡後發生重力塌縮後形成。根據牛頓萬有引力定律,由於黑洞第一宇宙速度過大,連光都走唔到出來,所以叫黑洞。

喺呢個區域嘅萬有引力非常強大,任何物質都冇可能走得出呢個區域,甚至光都俾佢嘅強大重力拉返轉頭,因此黑洞本身唔會發光,係黑麻麻嘅天體,唔可以用天文望遠鏡直接觀測到,但天文學家可以藉觀察黑洞周圍物質被吸引嘅情況,揾出黑洞位置。

歷史上,法國力學專家拉普拉斯曾經預言:「一個密度係250個太陽嘅發光恆星,而直徑好似地球,由於佢嘅重力作用,將唔會畀任何光線離開佢。由於呢個原因,宇宙最大嘅發光天體,唔會俾人見到」。

半徑公式[編輯]

有一條公式可以計到黑洞嘅半徑。假設個黑洞嘅質量係 ,噉佢嘅半徑 就係 ,其中 重力常數,而 就係光喺真空裏面嘅速度。可以證明,無論用經典力學定係相對論,都可以得到一樣嘅結果。

文化上[編輯]

黑洞喺廣東話亦可以用嚟形容一啲人同物。例如形容一個人好大食,而且速度非比尋常,情況已經唔可以再用食嚟形容,而用吸/吮嚟取代個食字。呢啲人一般被稱之為黑洞,有啲人會喺佢個名之前加黑洞兩個字(例如黑洞輝)[未記出處或冇根據]

參考[編輯]

  1. Wald 1984, pp. 299–300

參考文獻[編輯]

  • Wald, Robert M. (1984). General Relativity. University of Chicago Press. ISBN 978-0-226-87033-5.

睇埋[編輯]