中子星

出自維基百科,自由嘅百科全書
第一粒有可見光嘅中子星,RX J185635-3754

中子星,英文neutron star恆星一種,極之細,質量高,所以密度非常之高。主要由中子組成,加上單身嘅核子質子電子及其他粒子,實際結構仍然係數學上估計。萬有引力大到壓破原子間斥力,大過維持核子嘅強作用力,電子同質子結合成中子,中子由核子間解放出,自由好多。

中子星來自超新星爆發,原本大恆星核聚變生出,核聚變日漸無以為計,熱力不足支撐星體,頂唔住萬有引力,於是急速坍縮,外層拋出物質咁爆發。淨低較核心部份,質量細,壓到變白矮星,大,壓到變黑洞,中間就變中子星。中子星細到一二萬米,而質量有成太陽兩倍。原本恆星好大粒,自轉得慢。一坍陷成中子星,而角動量要守衡,直徑大為縮細時,自轉就會變得極快,週期斷秒甚至微秒計。

有啲中子星帶好強磁性,會射出電磁波自轉有如燈塔,依一類叫脈衝星。若果中子星無脈衝射向地球,唔係咁容易發現。