環境保護署
(由香港環境保護署跳轉過嚟)
香港環境保護署（簡稱環保署）係香港政府主管環境保護政策嘅部門。現任署長係鄭美施。
1977年香港政府設立環境保護組，1981年改組成環境保護處，1986年成立環境保護署，成為專責處理污染問題嘅政府部門，負責統籌同埋推行預防同管制污染嘅工作。2005年4月1號完成重組。
環境保護署嘅職責包括構思環境保護、自然保育同埋能源效益等政策，執行香港各環保法例。環保署亦負責監察環境質素，為家居、工業等各種廢物提供收集、轉運、處理同埋處置設施，並就城市規劃同新政策對環境嘅影響提供意見。環保署又負責處理市民對各類污染嘅投訴，及透過宣傳提高市民嘅環保意識，同鼓勵市民支持環境保護工作。
環境保護署嘅工作包括6個綱領，包括空氣、環境評估及規劃、環境保育、噪音、廢物及水質。
歷任首長
[編輯]- 聶德（1986年4月1日－1996年3月31日）
- 羅樂秉（1996年4月1日－2005年3月31日）
- 郭家強（2005年4月1日－2006年9月，由環境運輸及工務局常任秘書長（環境）兼任）
- 王倩儀（2006年9月－2016年9月）（由環境運輸及工務局常任秘書長（環境）兼任，2007年7月1日起改稱環境局常任秘書長）
- 唐智強（2016年9月19日－2019年3月26日）
- 鄭美施（2019年5月2日－2021年9月4日）
- 謝小華（2022年1月17日－現時）（由環境局常任秘書長兼任，2022年7月1日起改稱環境及生態局常任秘書長（環境））
（現時由環境及生態局常任秘書長（環境）兼任環境保護署長）
